Útisigur í hörkufótboltaleik á Dalvík
Leikmenn Tindastóls/Hvatar gerðu heldur betur góða ferð á Dalvík í gær en þá mættu þeir Dalvík/Reyni í 2.deildinni. Fyrir leikinn var Dalvík/Reynir með 11 stig en gestirnir 10 stig og því var von á miklum báráttuleik. Síðasti „alvöru“ leikur þessara liða var úrlsitlaleikur um gullið í 3.deildinni í september í fyrra en sá leikur var leikinn á Ólafsfirði og endaði með sigri Tindastóls 1-0. Í þeim leik skoraði Arnar Sigurðsson sigurmarkið fyrir Tindastól.
Í gær voru fínar aðstæður á Dalvík. Sól og nánast logn en lofthitinn var hinsvegar ekki mikill en engu að síður bestu aðstæðurnar sem sést hafa það sem af er sumri. Fjölmargir áhorfendur voru mættir á völlinn og töluverður hluti þeirra á bandi gestanna. Sérstakur stuðningsmannahópur Tindastóls/Hvatar var mættur og kæfði heimamenn algerlega og studdi gestina alla leið og eiga þeir sannarlega hlut í þessum sigri.
Dalvík/Reynir byrjaði betur og komst í 2-0 í fyrri hálfleik. Þetta var staða sem var alls ekki eftir gangi leiksins en það eru mörkin sem telja eins og alltaf.
Í upphafi síðari hálfleiks skoraði Bjarki Már fyrsta mark Tindastóls/Hvatar og síðan jafnaði Ingvi Hrannar leikinn eftir að hafa fengið frábæra sendingu frá Atla Arnarsyni. Dómari leiksins dæmdi síðan víti sem var mjög vafasamt og úr því skoraði leikmaður heimamanna og kom þeim í vænlega stöðu 3-2.
En leikmenn Tindastóls/Hvatar voru ekki búnir að gefast upp og aftur skoraði baráttujaxlinn Bjarki Már og jafnaði leikinn í 3 – 3.
Það var síðan Arnar Sigurðsson sem skoraði sigurmarkið í uppbótartíma og tryggði góðan 3 – 4 útisigur.
Lið Tindastóls/Hvatar stóð sig vel í leiknum og leikmenn voru staðráðnir allan tímann að fara heim með 3 stig. Frammistaða Bjarka og Arnars Skúla var frábær í leiknum en allir aðrir eiga hrós skilið fyrir vel unnið verk.
Næsti leikur er nk. þriðjudag þegar KF ( Siglfirðingar og Ólafsfirðingar koma í heimsókn á Krókinn ).
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
