Útstöð Flugakademíu Keilis verður á Sauðárkróki
Flugakademía Keilis mun á ný koma með kennsluflugvélar á Krókinn þar sem kennsla fer fram frá skólanum til framtíðar litið. Í nóvember síðastliðnum var gerð tilraun með verkefnið, sem tókst vel að sögn Arnbjörns Ólafssonar, markaðsstjóra Keilis, og í framhaldinu ákveðið að á Sauðárkróki verði ein af útstöðvum skólans.
Samvinna verður um verkefnið milli Keilis og Fjölbrautaskóla Norðurlands vestra sem mun m.a. koma að því að hýsa nemendur og kennara. Gert er ráð fyrir tveimur til fjórum kennsluvélum sem koma munu til Sauðárkróks næsta fimmtudag.
„Við erum mjög ánægð að geta gert Alexandersflugvöll og Sauðárkrók að framtíðarútstöð frá Flugakademíu Keilis. Þetta er mjög gott fyrir okkur, ekki síst eftir að skólinn stækkaði eftir sameiningu við Flugskóla Íslands,“ segir Arnbjörn og upplýsir að nú sé um stærsta flugskóla á Norðurlöndum að ræða. „Við stefnum á að gera enn betur og laða að okkur erlenda nemendur. Það sem heillar er svokallað „open sky“ þar sem á Íslandi geta flugnemar flogið nánast hvar sem er, hvert sem er og lent á öllum flugvöllum landsins, ólíkt því sem gerist annars staðar.“
Arnbjörn segir að frá Sauðárkróki munu flugnemar fljúga m.a. til Grímseyjar, Húsavíkur og Akureyrar. Í byrjun mars er ætlunin að halda upplýsingadag fyrir almenning um skólann og námið á Alexandersflugvelli og þá verður skrifað formlega undir samninga.
Fleiri fréttir
-
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.