Varað við snörpum vindhviðum
Mikill og hlýr SV-strengur er yfir landinu og fer hann enn heldur vaxandi í dag, samkvæmt vef Vegagerðarinnar. Óveður er á Siglufjarðarvegi, Vatnsskarði og Þverárfjalli. „Niður brattar fjallshlíðar steypast sviptivindar þar sem hviðurnar geta orðið allt að 35-45 m/s á Snæfellsnesi norðanverðu, á Vestfjörðum og á Norðurlandi. Síðdegis og snemma í kvöld verður hvað hvassast á Norðurlandi,“ segir í ábendingu frá veðurfræðingi Vegagerðarinnar.
Ennfremur segir að á utanverðum Tröllaskaga og við vestanverðan Eyjafjörð gæti styrkur í hviðum hæglega náð 45-55 m/s. Einnig í Skagafirði frá Varmahlíð á Sauðárkrók.
Samkvæmt spá Veðurstofu Íslands verður suðvestan 18-25 en mjög snarpar vindhviður við fjöll síðdegis og fram eftir morgundeginum. Skýjað og dálítil rigning eða súld í fyrstu og hiti 3 til 8 stig. Kólnar á morgun með éljum og fer að draga úr vindi seinnipartinn.
Veðurhorfur á landinu næstu daga
Á þriðjudag:
Suðvestan 13-20 m/s og él, en þurrt NA-lands. Kólnandi, og frost víða 0 til 7 stig.
Á miðvikudag:
Vestan- og suðvestanátt, 8-15 m/s. Él um landið vestanvert en léttir til A-til. Talsvert frost.
Á fimmtudag:
Vaxandi austanátt með snjókomu syðst eftir hádegi en stíf NA-átt og ofankoma N-til um kvöldið. Frost víða 5 til 12 stig, kaldast til landsins.
Á föstudag:
Norðaustan hvassviðri og snjókoma eða éljagangur en úrkomulítið SV-lands. Frost um allt land.
Á laugardag:
Útlit fyrir suðaustanátt með talsverðri úrkomu og hlýnandi veðri.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
