Varað við stormi í dag
Veðurstofa Íslands varar við stormi á landinu í dag, suðvestan 15-23 m/s, en 18-25 m/s síðdegis, hvassast á annesjum. Rigning eða slydda og síðar él og kólnar í veðri. Dregur úr vindi í kvöld og nótt. Suðvestan 10-18 á morgun og slydda í fyrstu, en síðan úrkomulítið og hlýnar aftur.
Á vef Vegagerðarinnar segir að vegir séu óðum að verða auðir á Norðurlandi en hálkublettir eru á Öxnadalsheiði. Í ábendingu frá veðurfræðingi segir að það snöggkólni með morgninum um leið og kuldaskil koma úr vestri. Snjóar víða á fjallvegum um vestanvert landið nú fyrir hádegi og frystir, en krapi verður á láglendi. Í kjölfarið V og SV stormur, 20-25 m/s og eitthvað verður um él. Sérstaklega verður hvasst um norðanvert landið frá miðjum degi og blint í skafrenningi á fjallvegum. Það á m.a. við um Öxnadalsheiðina fljótlega um og upp úr hádegi, Holtavörðuheiði og fjallvegi á Vestfjörðum.
Veðurhorfur á landinu næstu daga:
Á sunnudag:
Suðvestan 18-25 m/s, hvassast NV-til. Súld eða rigning, en þurrt NA- og A-lands. Hiti 3 til 10 stig. Kólnar V-til um kvöldið með slydduéljum eða éljum.
Á mánudag:
Suðvestan 15-23 m/s og él, en úrkomulítið NA-til. Hiti kringum frostmark.
Á þriðjudag:
Stíf suðvestanátt og él, en yfirleitt þurrt A-lands. Kólnandi veður.
Á miðvikudag:
Vestlæg átt 5-13 m/s og dálítil él um landið V-vert, annars bjart með köflum. Kalt í veðri.
Á fimmtudag:
Útlit fyrir suðlæga eða breytilega átt með snjókomu. Áfram kalt í veðri.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
