Varði þremur dögum í að hreinsa upp flugeldalíkin á Króknum
Grétar Freyr Pétursson, 11 ára Sauðkrækingur, hefur gert sér að leik að tína upp flugeldrusl sem verður til eftir gamlársfjörið í bænum. Telur hann að tertulíkin séu yfir 200 sem hann safnaði saman og fór með í Flokku.
Grétar segist hafa gaman af því að safna þessu saman og ver miklum tíma í þessa þörfu vinnu. Hann reynir að fara um allan bæinn og dregur snjóþotuna eftir sér í neðri bænum en í efri hverfunum safnar hann ruslinu samar í hauga og fær pabba sinn til að hjálpa sér að koma þeim heim á kerru og raðar upp. Síðan tínir hann sjálfur ruslið upp á kerru áður en haldið er með góssið í endurvinnsluna.
Þótt Grétar sé ekki gamall hefur hann gert þetta í mörg ár og án þess að margir taki eftir því hve mikil vinna liggur að baki en hann var kominn á stjá um hádegið á nýársdag og alls tók hann þrjá daga í verkið. „Það er fínt að þrífa bæinn og stundum þarf ég að róa mig aðeins niður og taka frí frá fjölskyldunni, losa mig aðeins í burtu,“ útskýrir Grétar þegar hann er spurður út í það af hverju hann er að þessu. Grétar, sem er í 6. bekk, hefur mikið að gera, æfir fótbolta, badminton og golf og reynir að sinna hestamennsku á sumrin. Þá er hann í tónlistarskóla að læra á píanó og svo er þónokkur vinna að vera í skóla.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.