Vatnsdalsá og Skarðsá metnar sem hagkvæmustu virkjunarkostirnir
Í Morgunblaðinu í dag er fjallað um niðurstöðu skýrslu um virkjunarkosti á Norðurlandi vestra sem verkfræðistofan Mannvit vann fyrir Samtök sveitarfélaga á Norðurlandi vestra (SSNV). Á vef SSNV segir að tæplega 60 manns hafi sótt kynningarfund á vegum samtakanna sem haldinn var á Blönduósi í gær en þar kynnti höfundur skýrslunnar, Bjarki Þórarinsson frá Mannviti efni hennar.
Í skýrslunni eru taldir up 82 hugsanlegir virkjunarkostir í landsfjórðungnum, frá Hrútafirði til Skagafjarðar, og er hagkvæmni þeirra metin. Skýrslan var fyrst og fremst unnin eftir fyrirliggjandi gögnum eins og loftmyndum, kortum og öðrum fyrirliggjandi upplýsingum, svo sem rennslismælingum Veðurstofunnar en ekki var farið í vettvangsferðir á hugsanlega virkjunarstaði og ekki haft samband við landeigendur. Þá var tengiskostnaður við dreifikerfið ekki tekinn inn í útreikninga á hagkvæmni enda eru aðstæður ákaflega misjafnar. Er því skýrslan aðeins fyrsta skrefið til að meta hvort virkjun einstakra vatnsfalli sé hagkvæm.
Níu virkjunarkostir voru flokkaðir í 2. og 3. hagkvæmniflokk en flestir hinna 82ja kosta lentu í 7. flokki sem sýnir lökustu hagkvæmnina. Samkvæmt skýrslunni eru virkjun í Vatnsdalsá í Vatnsdal og Skarðsá í Skagafirði hagkvæmustu virkjunarkostirnir á Norðurlandi vestra en báðir lentu þeir í 2. flokki. Þessir tveir kostir eru ákaflega ólíkir að stærð. Vatnsdalsá er sá stærsti sem kannaður var en Skarðsá er í minni kantinum. Báðir eru þeir á verndarsvæði og er Vatnsdalsá til að mynda kunn laxveiðiá.
Að kynningu Bjarna lokinni tók til máls Erla Björk Þorgeirsdóttir frá Orkustofnun sem benti á ýmis leiðbeinandi gögn um smávirkjanir sem eru á heimasíðu Orkustofnunar auk þess sem hún greindi frá reynslu annarra aðila af byggingu smávirkjana og hvernig stöðlun mannvirkja og tækja gæti lækkaði byggingarkostnað töluvert. Vignir Sveinsson, bóndi í Höfnum á Skaga, skýrði frá frumúttekt sem gerð hefur verið á því að virkja Langavatnsá á Skaga og nota Langavatn sem miðlunarlón. Úttektin var styrkt af Uppbyggingarsjóði Norðurlands vestra. Þá sagði Tjörvi Bjarnason frá Bændasamtökum Íslands frá átakinu Hleðsla í hlaði sem snýr að því að koma upp litlum hleðslustöðvum hjá bændum og ferðaþjónustuaðilum.
Að lokum kynnti Unnur Valborg Hilmarsdóttir, framkvæmdastjóri SSNV, fyrirhugaða styrki til þeirra aðila sem hyggjast kanna betur möguleika á gerð smávirkjana hjá sér.
Upptöku af fundinum í heild sinni má nálgast á Facebook-síðu SSNV.
Skýrsluna má finna hér.
Ítarlegri uppfjöllun um málið er að finna í Morgunblaðinu í dag.
Fleiri fréttir
-
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira -
Fermist í upphlut
feykir.is Skagafjörður, Lokað efni 27.04.2025 kl. 10.00Bergrún Lauga Þórarinsdóttir fermist í Reykjakirkju þann 14. júní. Sr. Halla Rut Stefánsdóttir fermir stúlkuna en foreldrar hennar eru Sigrún Helga Indriðadóttir og Þórarinn Guðni Sverrisson á Stórhóli í Lýtingstaðahreppi.Meira -
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.