Veiði í Laxá á Ásum á 2,8 milljónir
Þriggja daga veiðiferð í Laxá á Ásum kostar 2,8 milljónir króna á besta tíma næsta sumar. Veiðifélagið Salmon Trails tók nýverið við laxveiðirétt í ánni af félaginu Lax-á.
Á visi.is segir að verðið í Laxá á Ásum hefur hækkað um 1,2 milljónir króna milli ára, eða um 75 prósent. Þar er aðeins veitt á tvær stangir og er verðið miðað við að báðar stangirnar séu keyptar. Laxá á Ásum, sem er skammt sunnan við Blönduós, hefur löngum verið vinsæl til laxveiða og hefur m.a. söngvarinn Eric Clapton vanið þar komur sínar.
Samkvæmt heimildum visi.is gætir titrings í laxveiðiheiminum vegna hækkunarinnar í Laxá á Ásum en kannski ekki síst vegna risatilboðs sem barst í Þverá og Kjarrá. Þar segir jafnframt að með öllu séu nýir leigutakar að borga um 650 milljónir króna fyrir fimm ára samning. Því þykir líklegt að veiðileyfi á besta tíma muni hækka um 50 prósent, úr 200 þúsundum króna í 300.
Bjarni Júlíusson, formaður Stangaveiðifélags Íslands, sagði tilboðið í árnar vera mjög hátt og eigi enn eftir að koma í ljós hvaða áhrif þetta muni hafa á markaðinn í heild. „Þegar svo er, er best að anda með nefinu og sjá hvað gerist,“ sagði Bjarni.
Að sögn Jóns Þórs Júlíussonar, eigandi Hreggnasa, sem leigir m.a. Grímsá og Laxá í Kjós, er hækkunin sú mesta sem hann hefur séð. „Síðan er auðvitað spurning hvað gerist næst. Hættan núna er að aðrir leigusalar fylgi í kjölfarið, að við förum að sjá fleiri útboð á laxveiðiám,“ sagði Jón Þór í samtali við Vísi.
Fleiri fréttir
-
Leiðrétting veiðigjalda mun skila sér í bættum innviðum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.05.2025 kl. 18.36Mikil umræða hefur átt sér stað um frumvarp ríkisstjórnarinnar um leiðréttingu veiðigjalda, jafnt á þingi sem og úti í samfélaginu. Sjávarútvegsmál hafa alltaf kallað fram sterkar skoðanir og réttlætiskennd hjá þjóðinni, hvort sem er í umræðum um kvótakerfið, veiðigjöld, eða strandveiðar.Meira -
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira
