Vel heppnað skemmtikvöld
Árlegt skemmtikvöld Starfsbrautar FNV var haldið á Sal skólans miðvikudaginn 13. apríl kl. 20:00. Nemandi starfsbrautar, Guðjón Ólafur Einarsson bauð gesti velkomna og kynnti dagskrá kvöldsins en hún einkenndist af tón – og myndlist nemenda og kennara í FNV. Margir góðir tónlistamenn er í röðum nemenda í FNV og mjög öflugt tónlistarlíf er meðal þeirra m.a starfrækja þau tónlistarklúbb við skólann. Nokkrir nemendur úr hópnum komu fram og gerðu kvöldið ánægjulegt.
Nemendurnir þau Reynir Snær Magnússon, Sara Rut Fannarsdóttir, Bergþór Pálmason og Guðlaugur Ómar Guðmundsson fluttu nokkur falleg lög og sum laganna voru frumsamin af þeim. Kóngurinn Elvis Presley lét sjá sig, í sönganda, en það var Guðlaugur Ómar sem skapaði þessa upplifun fyrir áhorfendur – frábært hjá honum.
Kammerkór FNV er skipaður nokkrum kennurum við skólann undir góðri stjórn Erics Fissers, kórinn var stofnaður í vetur og hefur lítið komið fram opinberlega, ennþá. Þau sungu nokkur lög á hinum ýmsu tungumálum m.a. á sænsku, flæmsku, færeysku og frönsku. Sannarlega gaman að hlusta á þennan upprennilega kór skólans.
Nemendur á starfsbraut taka þátt í stuttmyndakeppni sem allar starfsbrautir á landinu keppast um annað hvert ár. Keppnin er haldin fimmtudaginn 14. apríl í Borgarholtsskóla og von er á mörgum nemendum allstaðar að af landinu. Nemendur á starfsbraut FNV sýndu sitt framlag til keppninnar á skemmtikvöldinu, en myndin er stutt fræðslumynd um fyrstu hjálp – hvernig á að bregðast við ef stendur í fóki. Nemendur unnu myndina sjálfir og ætla að koma myndinni í sölu með vorinu og minna þannig almenning á nauðsyn þess að halda við skyndihjálparkunnáttu sinni við því fyrstu viðbrögð eru oft lífsbjörg. Ágúst Örn Valsson úr nemendafélagi FNV aðstoðaði við tæknimál og ljósabúnað á skemmtikvöldinu.
Góðar kaffiveitingar í voru að vanda og góð stemming meðal áhorfenda.
Við nemendur og kennarar á starfsbraut viljum þakka öllum kærlega fyrir komuna og nemendunum í tónlistarhópnum og Ágústi Erni fyrir góða aðstoð og velvilja. Kammerkórinn fær miklar og góðar þakkir fyrir sitt framlag – svona gott kvöld verður bara til þegar margir leggja hönd á plóginn.
fnv.is
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
