Velta Kaupfélags Skagfirðinga eykst um 5 milljarða milli ára
Aðalfundur Kaupfélags Skagfirðinga var haldinn í Selinu á Sauðárkróki þann 16. apríl síðastliðinn. Fram kom að velta félagsins hafi verið um 32,2 milljarðar króna á síðasta ári og hefði aukist um 5 milljarða milli ára. Samkvæmt upplýsingum frá KS komu Steinullarverksmiðjan á Sauðárkróki ásamt Kjötbankanum í Hafnarfirði og Sláturhúsinu á Hellu ný inn í samstæðuuppgjör félagsins að þessu sinni.
Hagnaður samstæðunnar var rúmur 1,8 milljarður á móti 2,1 milljörðum árið 2014. Veltufé frá rekstri samstæðunnar nam 3,3 milljörðum á móti 3,5 milljörðum árið á undan. Eigið fé var 25,4 milljarðar um síðustu áramót samanborið við 23,7 milljarða árið á undan.
Í inngangsorðum Þórólfs Gíslasonar kaupfélagsstjóra, í ársskýrslu kaupfélagsins, kemur fram að stærstu verkefni og fjárfestingarnar hjá samstæðunni hafi verið breytingar á landvinnslu FISK-Seafood á Sauðárkróki, fjárfestingar hjá kjötafurðastöð og mjólkursamlagi ásamt kaupum á hlutafé í Steinull hf. Hann segir að markaðir fyrir sjávarafurðir hafi verið nokkuð góðir á árinu, ef frá er talin sala á þurrkuðum sjávarafurðum til Nigeríu. Vegna verðfalls á hráolíu féll kaupmáttur í Nigeríu og skortur varð á gjaldeyri. Þá segir hann markaði fyrir kjöt og kjötafurðir erlendis vægast sagt hafa verið mjög erfiða á árinu 2015. Í raun hafi markaður fyrir gærur hrunið og óseldar birgðir hrannast upp. Það sem öðru fremur hafði áhrif var að Kína tók upp strangt eftirlit með innflutningi og Íslendingar gerðust aðilar að viðskiptaþvingunum gagnvart Rússlandi. Hann segir vonir standa til að fríverslunarsamningur milli Kína og Íslands verði virkur fyrir árslok.
Framleiðsla Mjólku/Vogabæjar flytur til Sauðárkróks
Tæplega 900 manns unnu hjá Kaupfélagssamstæðunni á síðasta ári og námu launagreiðslur félagsins um 7 milljörðum króna. Fram kom á aðalfundinum að stærstu verkefnin framundan hjá samstæðunni væru kaup á nýjum ísfisktogara sem er væntanlegur í upphafi næsta árs og uppbygging landvinnslu hjá Fisk Seafood ásamt undirbúningi fyrir mjólkurpróteinframleiðslu og flutningi á framleiðslu Mjólku/Vogabæjar til Sauðárkróks. Samkvæmt upplýsingum frá KS er ekki ljóst nákvæmlega hvenær flutningurinn á framleiðslu Mjólku/Vogabæjar verður en stefnt er að honum í byrjun sumars.
Nánar er fjallað um fundinn í Feyki vikunnar.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
