„Við erum að spila mjög vel sem lið“
Feykir hafði samband við Jamie McDonough þjálfara karlaliðs Tindastóls þegar fjórum umferðum er lokið í 3. deildinni. Lið Tindastóls er í efri hluta deildarinnar með sjö stig eftir tvo sigurleiki, eitt jafntefli og eitt tap. Hann var fyrst spurður um leikinn gegn Álftanesi. „Við áttum aftur frábæran leik ... í 60-70 mínútur. Við stjórnuðum leiknum, vorum 70% með boltann og sköpuðum okkur ágæt færi. En líkt og í leikjunum gegn liðum Hugins/Hattar og Vængjum Júpíters þá verðum við að klára leikina þegar við höfum svona yfirburði,“ segir Jamie.
Um liðna helgi tapaði lið Tindastóls gegn Garðbæingum í liði KFG sem er einskonar B-lið Stjörnunnar og hefur á að skipa góðum leikmönnum. Tapið var engu að síður slæmt. Strákarnir rifu sig upp í fyrrakvöld þegar þeir lögðu lið Álftaness. „Við þurftum að rétta okkar hlut eftir KFG leikinn,“ segir Jamie. „Við vorum mjög svekktir og reiðir vegna frammistöðu okkar í þeim leik. Við reyndum að gera réttu hlutina en við vorum ekki góðir með boltann þann daginn. Við getum kennt vellinum og vindinum um en við eigum ekki að þurfa að nota slíkar afsakanir. Við vorum ekki nógu góðir. Á Alftanesi vorum við aftur farnir að spila mjög vel. Við gerðum vel í því að stjórna leiknum þar þegar við vorum undir pressu. Strákarnir eru að leggja á sig mikla vinnu fyrir liðið. Jónas Aron, Arnar Ólafsson og Pablo hefðu ekki getað hlaupið meira en þeir gerðu. Jónas hættir aldrei – hann er eins og hungraður hundur!
Hvað finnst þér um frammistöðu Tindastóls það sem af er sumri? „Við erum að spila mjög vel sem lið. Strákarnir elska „nýja“ leikstílinn okkar. Hann er ólíkur því sem menn eiga að venjast þegar þeir horfa á lið Tindastóls. Við viljum spila leikinn – við viljum hafa boltann.
Ef við sleppum slæma deginum okkar sem var gegn KFG (öll lið eiga þá – því miður!) þá höfum við stjórnað öllum leikjunum sem við höfum spilað. Þjálfarar annarra liða hafa jafnvel tjáð mér að við höfum verið betra liðið í 45 mínútur í Vestmannaeyjum. Þetta er mjög mikilvægt. Við höfum aðeins verið saman í sex vikur og þetta er verkefni í þróun og við munum halda áfram að bæta okkur.
Við erum með nokkra mjög góða leikmenn, heimastráka sem eiga skilið tækifæri til að sýna að þeir geta spilað. Ekki bara dúndrað boltanum fram og barist fyrir úrslitum. Og við erum að gera það. Ég heldað þessi nýi leikstíll hafi minnt alla á hversu góður Konni Freyr er. Hann hefur verið magnaður það sem af er. Með réttu leikmennina í kringum sig stjórnar hann fótboltaleikjum. Ég elska að horfa á hann spila og það er mjög ánægjulegt að vinna með honum. Hann er svo mikilvægur fyrir okkar félag, bæði innan og utan vallar.“
Hvað finnst þér um getu liðanna í 3. deildinni? „Þessi deild er erfið. Ég held að það séu líklega fimm lið í 3. deildinni sem gætu klárað um miðja deild í 2. deild. Það er reynsla og tenging hjá mörgum félögum og liðum við stærstu knattspyrnulið landsins. Stóru félögin vilja hafa „B liðin“ sín í 2. deild og þau eru að leggja mikla peninga og leikmenn í púkkið til að svo geti verið.
En við þekkjum markmið okkar og við vitum líka hversu mikil geta okkar er. Við munum halda áfram að vinna að því að verða eins góðir og mögulegt er og um leið að skemmta þessu góða fólki hér á Króknum með virkilega góðri knattspyrnu!“ segir Jamie að lokum.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.