Við erum öll yndisleg :: Kristín Guðmundsdóttir - brottfluttur Króksari
Það er andi og orka yfir Króknum og mikið framtak og dugnaður í fólkinu sem býr þar. Sumir hafa hvergi annars staðar búið en aðrir brottfluttir fyrir löngu síðan. Ég flutti frá Sauðárkrók fyrir 34 árum en samt er alltaf eins og að koma heim þegar ég kem á Krókinn.
Við hjónin höfum búið og unnið víðsvegar um heiminn undanfarin ár, t.d. á Möltu, Dubai og Bretlandi, og ég hef kynnst þar ólíkum menningarheimum og fólki. Það er eitthvað sérstakt við allar þjóðir og eftir að hafa búið á fleiri stöðum þá verður auðveldara að benda á það sem gerir okkur Íslendinga sérstök. Síðan getum við Íslendingar auðveldlega bent á muninn sem er á Reykvíkingi og Króksara og það getur oft verið fyndin æfing.
En það sem ég hef lært á þessum árum er að við höfum öll sömu grunnþarfir og þær hefðir og venjur sem við höfum, hverjar svo sem þær eru, eru jafn mikilvægar okkur öllum. Það sem síðan gerist sem er mikilvægt að gera sér grein fyrir er að þegar maður flytur til annars lands og er orðinn útlendingurinn í landinu þá verða hefðir og venjur ennþá mikilvægari og maður rígheldur í þær.
Ég man t.d. eftir því að vera spurð hvort við töluðum íslensku heima við börnin, ég horfði forviða á manneskjuna og átti ekki til orð. Að sjálfsögðu töluðum við íslensku við börnin heima, annað hefði verið fáránlegt. Einnig héldum við jól og páska eins og venjulega, sama hvar við vorum. Við Íslendingar verðum nefnilega að sýna öllu þessu frábæra fólki sem kemur til landsins til að vinna og búa skilning á að þeirra hefðir og venjur eru þeim mjög mikilvægar og jafnvel mikilvægari en áður og hérna tala ég af eigin reynslu.
En nú erum við flutt aftur til Íslands og það var alveg pínu erfitt get ég sagt ykkur, þegar sjóndeildarhringurinn er orðinn mjög breiður og margt nýtt orðið hluti af þessu venjulega þá getur verið erfitt að fara til baka. Eins og það var margt sem í byrjun fór í taugarnar á mér í hverju landi sem við fluttum til, þar sem „þetta fólk“ gerði hlutina öðruvísi en Íslendingar, þá hefur sko margt farið í taugarnar á mér við hvernig Íslendingar gera hlutina og geta verið, að mér finnst, gamaldags á köflum. Það sem ég er að reyna að segja er, verum umburðarlynd, sýnum tillitsemi og kærleik. Við erum öll yndisleg eins og við erum.
Ég skora á Hrafnhildi Valgarðsdóttur að skrifa næsta pistil.
Áður birst í 19. tbl. Feykis 2019.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.