Víða hálka eða snjóþekja á vegum
Ríkjandi áttin í dag er af norðaustan sem þýðir að hætt er við að það snjói hjá þeim sem búa vestan við Skaga og Tröllaskaga. Þannig er til dæmis snjókoma nú í Hjaltadal og éljagangur við Blönduós og í Langadal samkvæmt Umferðarsíðu Vegagerðarinnar.
Hálkublettir eru á Vatnsskarði og á Þverárfjallsvegi en þar virðist lítið hafa snjóað. Talsverður vindur er á Þverárfjallsvegi. Hálka er á Öxnadalsheiði en snjóþekja eða hálka er á öllum vegum í Eyjafirði og þar er ýmist éljagangur eða snjókoma.
Reikna má með stífri norðanátt á Norðurlandi vestra í dag en lítilli úrkomu eftir hádegi. Hitinn ætti að hanga rétt yfir frostmarki. Á morgun, fimmtudag, er spáð björtu veðri og hægri norðanátt og áfram verður stillt fram yfir helgi en það er sennilegt að hann kasti éljum um helgina.
Þá má geta þess að Lögreglan á Norðurlandi vestra bendir á það á Facebook-síðu sinni að „... nú er rétti tíminn til að skipta yfir á vetrardekk ef fólk er ekki búið að því nú þegar. Rétt útbúinn bíll skiptir sköpum fyrir öryggi allra í umferðinni. Ef bíllinn er ekki kominn á vetrardekk eða er illa búinn fyrir aðstæður, látum hann bíða og göngum frekar. Það er alltaf betra að komast seinna á áfangastað – eða einfaldlega ekki leggja í hann – en að lenda í slysi.“
Umferðarkort Vegagerðarinnar frá því 8:41 í morgun.
Fleiri fréttir
-
Vonast eftir góðri þátttöku á aðalfundi SUNN
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.10.2025 kl. 10.48Aðalfundur Samtaka um náttúruvernd á Norðurlandi (SUNN) fyrir árið 2025 verður í Kakalaskála í Skagafirði, mánudagskvöldið 27.október kl. 20:00. Á dagskrá fundarins eru hefðbundin aðalfundarstörf, erindi frá Landvernd og þá mun Nína Ólafsdóttir, rithöfundur og líffræðingur, kynna nýútkomna bók sína, Þú sem ert á jörðu. Feykir spurði Rakel Hinriksdóttur, formann SUNN, hvað það væri sem helst brenni á náttúruverndarfólki þessi misserin.Meira -
Opinn dagur í Höfðaskóla í dag
feykir.is Austur-Húnavatnssýsla, Mannlíf, Lokað efni 22.10.2025 kl. 10.00Í dag er opið hús í Höfðaskóla á Skagaströnd frá kl. 16:00 til 18:00 og á heimasíðu skólans segir að öll séu hjartanlega velkomin. Þetta er frábært tækifæri til að koma í heimsókn og kynnast starfi skólans betur. Þá er Góðgerðarvika Höfðaskóla hafin og nemendur og starfsfólk er farið að setja í kassana sem eiga að fara til Úkraínu.Meira -
Bleiki dagurinn er í dag!
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2025 kl. 09.12Á Bleika deginum berum við Bleiku slaufuna, klæðumst bleiku og lýsum skammdegið upp í bleikum ljóma til að minna á að það er list að lifa með krabbameini. Við stöndum með öllum konum sem greinst hafa með krabbamein og aðstandendum þeirra. Hvar fæst Bleika slaufan? Í verslun og vefverslun Krabbameinsfélagsins og hjá hátt í 400 söluaðilum um land allt.Meira -
Krónan býr sig ekki til sjálf | Hjörtur J. Guðmundsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.10.2025 kl. 09.05Fullyrðingar um að vaxtastigið hér á landi sé vegna krónunnar standast enga skoðun. Þetta hafa fjölmargir hagfræðingar og sérfræðingar í fjármálum bent á og fært gild rök fyrir á liðnum árum. Þeir sem ákveðið hafa að krónan sé vandamálið taka vitanlega engum slíkum rökum en hafa að sama skapi ekki getað hrakið þau. Þeirra aðferð hefur einfaldlega verið sú að fullyrða að krónan væri sökudólgurinn án haldbærra raka og fjalla síðan um það hversu hörmuleg hún sé fyrir vikið.Meira
