„Viðtökurnar alveg ótrúlegar og þessi verðlaun algjör kóróna“
Hlustendaverðlaunin 2016 fóru fram í Háskólabíói sl. föstudagskvöld. Þar fóru skagfirsku drengirnir, Helgi Sæmundur Guðmundsson og Arnar Freyr Frostason, í hljómsveitinni Úlfur Úlfur heim með verðlaun fyrir bestu plötu ársins, Tvær plánetur, en platan kom út í byrjun síðasta sumars. Félagarnir eru að vonum hæstánægðir með þær góðu viðtökur sem platan hefur fengið.
„Þetta ferli tók miklu lengri tíma en við höfðum áætlað og við tókum mörg tímabil þar sem við sáum fram á að þetta myndi aldrei hafast. Á síðustu metrunum vorum við svo farnir að efast stórlega um að það væri eitthvað varið í gripinn en ákváðum þó eftir að hafa leyft fólki að heyra að gefa hana út. Svo voru viðtökurnar alveg ótrúlegar og þessi verðlaun algjör kóróna,“ sagði Helgi Sæmundur í samtali við Feyki.
Hlustendaverðlaunin eru stærsti viðburður sem útvarpssvið 365 miðla stendur fyrir á hverju ár. Hér að neðan má sjá niðurstöður kvöldsins og þá sigurvegara sem fóru heim með verðlaun:
Erlenda lag ársins
Hello – Adele
Plata ársins
Tvær plánetur - Úlfur Úlfur
Nýliði ársins
Glowie
Söngvari ársins
Páll Óskar Hjálmtýsson
Flytjandi ársins
Dimma
Lag ársins
Clystals – Of Monsters and Men
Söngkona ársins
Nanna Bryndís Hilmarsdóttir – Of Monsters and Men
Myndband ársins
See Hell - Agent Fresco
Freyr Árnason
Gísli Þór Brynjólfsson
Fleiri fréttir
-
Ós US: Vefnaður samfélags og sköpunar.
feykir.is Austur-Húnavatnssýsla, Aðsendar greinar 03.11.2025 kl. 15.20Sýning fór fram í Hillebrandtshúsi í Gamla bænum í Blönduósi og veitti gestum innsýn í skapandi samtal sem myndaðist þegar alþjóðlegir listamenn kynntu sér landslag, menningu og textílhefðir Íslands. Hver listamaður setti fram einstakt sjónarhorn og skoðaði hugtök eins og sjálfsmynd, ferli og stað í gegnum efni, vefnað og tilraunir með textíl.Meira -
Tælenskur réttur og pastasalat | Matgæðingar vikunnar
feykir.is Skagafjörður, Í matinn er þetta helst, Lokað efni 03.11.2025 kl. 09.34Matgæðingar í tbl. 29 að þessu sinni voru Jóhann Axel Guðmundsson og konan hans Mariko Morita og búa þau á Selfossi ásamt dóttur þeirra Írisi Þóru. Jóhann Axel er alinn upp á Fjalli í Sæmundarhlíð en vill meina að hann sé Varmhlíðingur og eini Skagfirðingurinn í sinni fjölskyldu, fæddur og uppalinn. Hin eru aðflutt aðkomufólk. Mariko er frá Hamamatsu í Japan en þaðan koma þau víðfrægu Yamaha hljóðfæri. Jóhann vinnur í Hveragerði hjá Ölverk og Mariko vinnur á Selfossi á Kaffi krús, endilega kíkið í kaffi. „Jæja, tvennt á boðstólum þessa vikuna, haldið ykkur,“ segir Jóhann hress.Meira -
Vongóð og bjartsýn
feykir.is Skagafjörður, Lokað efni 02.11.2025 kl. 16.00Skagfirðingurinn sr. Halla Rut Stefánsdóttir er ein þeirra sem lifir með krabbamein. „Það er list að lifa með krabbameini” er yfirskrift bleiku slaufunnar í ár og upphafsorð Höllu þegar frásaga hennar af því að lifa með krabbamein hefst. Við gefum Höllu orðið og þökkum henni í leiðinni fyrir að deila þessari persónulegu og einlægu frásögn með okkur.Meira -
Til hvers er barist? | Leiðari 41. tölublaðs Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 02.11.2025 kl. 15.56Ég las um helgina að árið 2025 væri Kvennaár. Ég verð að viðurkenna að ég var svolítið hissa á þessu því einhvern veginn hafði þetta alveg farið fram hjá mér. Nú má vera að ég hafi heyrt þetta en ekki meðtekið skilaboðin, við karlangarnir eigum það víst til.Meira -
Topplið Grindavíkur reyndist of stór biti fyrir Skólastúlkur
feykir.is Skagafjörður, Íþróttir, Lokað efni 02.11.2025 kl. 15.32Hlutirnir eru ekki alveg að falla með kvennaliði Tindastóls í körfunni. Í gær héldu stelpurnar suður í Grindavík þar sem sterkt lið heimastúlkna beið þeirra. Þrír leikhlutar voru jafnir en einn reyndist Stólastúlkum dýrkeyptur og fjórða tapið í röð því staðreynd. Lokatölur 82-68.Meira
