Viðtöl við liðsstjóra í KS-deildinni
Keppni í KS-deildinni hófst sl. miðvikudag með undankeppni um laus sæti í deildinni. Nýir knapar í deildinni verða kynntir í sérstökum þætti í Feyki. En nú hefur verið tekin upp sú nýbreytni að hafa liðakeppni og verða liðsstjórar hvers liðs kynntir hér á vefnum.
Um er að ræða viðtöl sem Svala Guðmundsdóttir hefur tekið við liðstjórana og eru einnig birt á isibless.is
Þórarinn Eymundsson er liðsstjóri Hrímnis liðsins í KS-Deildinni. Hann hefur valið Líney Maríu Hjálmarsdóttur með sér í lið og verður spennandi að fylgjast með þeim í vetur.
Hvernig líst þér á nýja fyrirkomulagið í deildinni, þ.e liðakeppni?
Mjög vel, ég hef alltaf haft gaman af liðakeppnum eins og Bikarmóti Norðurlands hér í denn. Þetta gerir keppnina enn meira spennandi og eflir samvinnu knapa.
Nú hefur þú valið Líney Maríu með þér í lið, hver var ástæðan fyrir því vali?
Fyrst og fremst af því hún er Lýtingur eins ég og hefur hangið á í keppni síðan að smalinn hætti. Þessi gamli skólafélagi fer líka þokkalega á hesti og er lagin við að vinna Eyfirðinga og Húnvetninga sem er ótvíræður kostur
Hvernig er hestakostur þinn fyrir deildina í vetur?
Hann er sterkur, ég mæti með reynslubolta eins og Takt frá Varmalæk, Brag frá Bjarnastöðum og Þey frá Prestsbæ. Svo er spurning hvort maður teflir fram einhverjum úr yngri deildinni.
Hvaða grein telur þú vera þína sterkustu í vetur?
Ef ég á að taka eina út þá er það T2 (slaktauma tölt) en 5-gangurinn og skeiðið leggjast sérstaklega vel í mig eins og venjulega.
Hver er besti hestur sem þú hefur komið á bak ?
Ég hef nú prófað svo marga góða hesta en vill helst ekki gera upp á milli. Besta hryssan er hinsvegar án vafa Þóra frá Prestsbæ.
Hvað færðu þér vanalega í morgunmat ?
Hafragrautur og lýsi síðastliðin 37 ár!
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
