Víkur á Skaga í fyrsta sinn með veiturafmagn
Lokið var við að tengja bæinn Víkur á Skaga við veiturafmagn í gær en þar með hefur dísilrafstöðin á bænum lokið hlutverki sínu. Lagður var háspennujarðstrengur frá Höfnum í Skagabyggð að Hrauni í Skagafirði, tæpa 15 kílómetra leið, auk ljósleiðara.
Það er fyrst nú sem Víkur tengist veiturafmagni en að sögn Valgeirs Karlssonar ábúenda var ekki vilji fyrir því hjá Rarik að leggja strenginn, þá sex km, þegar Hraun var rafvæddur 1975.
Nú standa systkinin Finnur, Valgeir og Lilja á tímamótum en þau hafa selt jörðina eftir áratugalangan búskap. Segja þau að rafvæðingin og ekki síst tenging við ljósleiðarann vera forsenda þess að búskapur haldi áfram á jörðinni.
Verkið er samvinnuverkefni Rariks, Skagabyggðar og sveitarfélagsins Skagafjarðar, vegna ljósleiðaravæðingar í dreifbýli en auk Víka kemur strengurinn við á Ásbúðum og á Hrauni sem fær við þessa framkvæmd þriggja fasa tengingu.
Það voru Vinnuvélar Símonar ehf. sem sáu um lagningu strengjanna í jörð og segir Rúnar Símonarson framkvæmdastjóri að verkið hafi gengið vel þótt erfitt hafi verið á stundum vegna þess hversu mikið grjót var á leiðinni. Hann segir að vinnan hafi byrjað þann 30. nóvember og veðurblíðan verið þeim hliðholl þar sem jörð var þíð en lagningu strengjanna að Hrauni lauk í gær.
Myndir hér fyrir neðan eru fengnar hjá Rúnari Símonarsyni og sýna frá lagningu strengjanna að Víkum og Hrauni.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
