Vilja halda rekstri Háholts áfram
Fyrrum starfsfólk meðferðarheimilisins Háholts í Skagafirði boðuðu áhrifafólk til fundar í sl. mánudagskvöldi til að ræða stöðu heimilisins og framtíðarhorfur á rekstri. Eins og áður hefur komið fram bendir allt til þess að starfsemin leggist af nái vilji Barnaverndarstofu fram að ganga. Á fundinn mættu, auk fyrrum starfsmanna Háholts, Stefán Vagn Stefánsson, Gréta Sjöfn Guðmundsdóttir og Viggó Jónsson fulltrúar úr sveitarstjórn Svf. Skagafjarðar, Pírataþingmennirnir Eva Pandora Baldursdóttir og Þórhildur Sunna Ævarsdóttir sem og Bjarni Jónsson varaþingmaður Vg.
Á fundinum kom skýrt fram vilji Sveitarfélagsins um áframhaldandi samstarf við barnaverndaryfirvöld um rekstur meðferðarheimilis enda bæði eftirspurn og þörf á slíkri starfsemi þvert á fullyrðingar Braga Guðbrandssonar forstjóra Barnaverndarstofu sem telur ekki svo vera. Þjónustusamningur stofunnar við Hádranga rennur út nú um mánaðarmót en starfsemin lagðist af fyrr í sumar. Fyrrum starfsmenn heimilisins eru fullir áhuga á að taka við keflinu enda mikil reynsla og kunnátta til staðar.
Til að uppfylla ákvæði í Barnasáttmála Sameinuðu þjóðanna var á Háholti innréttuð viðunandi aðstaða árið 2014 fyrir ungmenni sem ættu við mjög alvarlegan vímuefna- eða afbrotavanda að stríða og þá sem þyrftu að afplána óskilorðsbundna dóma. Þannig aðstaða er ekki til annars staðar á landinu.
Til stendur að byggja nýtt heimili á höfuðborgarsvæðinu en fullyrt var á fundinum að ekki væri enn búið að finna staðsetningu né heldur hanna byggingu sem hæfir starfsemi og því undarlegt að segja upp samningi við Háholt áður en það er í höfn. Samningur Barnaverndarstofu við Svf. Skagafjörð vegna leigu á húsnæði Háholts rennur ekki út fyrr en eftir ár og mun stofan því þurfa að borga leigu hvort sem starfsemi verður í húsinu eður ei. Það var helst að sjá eftir fundinn að mikill áhugi er hjá heimamönnum um að rekstur Háholts komist af stað á ný enda árangur meðferðúræða á Háholti góður í gegnum tíðina.
Ingólfur Jón Geirsson, einn skipuleggjenda fundarins sagði fundinn hafa tekast vel og verið mjög málefnalegur. „Við fundum fyrir miklum stuðningi fundarmanna sem og þeirra sem ekki komust á fundinn en hittu okkur fyrr um daginn eða hringdu. Við erum ánægðir með þá aðstoð sem sveitarfélagið Skagafjörður hefur veitt okkur í þessari baráttu og vonumst til að fleiri leggi okkur lið í áframhaldandi baráttu.“ Ingólfur segir starfsfólk sjá fyrir sér að Háholt sinni áfram unglingum í erfiðum vímuefna- og eða afbrotavanda byggða á reynslu og góðum grunni í þeim mannauði sem til staðar er og halda áfram að bæta við sig þekkingu og reynslu.
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
