Vill deiliskipuleggja Borgarvirki
Ásta Hermannsdóttir hefur fyrir hönd Minjastofnunar Íslands óskað eftir heimild til að deiliskipuleggja Borgarvirki í Vesturhópi og næsta nágrenni þess. Skipulaginu er ætlað að stuðla að verndun og varðveislu minja á svæðinu og gera þær aðgengilegri fyrir ferðamenn sem koma að virkinu.
Sveitarstjórn Húnaþings vestra heimilaði umsækjanda þann 10. desember 2015 að láta vinna deiliskipulag á sinn kostnað. Leitað var umsagna hjá Skipulagsstofnun og öðrum umsagnaraðilum og kynnt fyrir almenningi eins og lög gera ráð fyrir og bárust athugasemdir frá Umhverfisstofnun, Skipulagsstofnun, Vegagerðinni og Heilbrigðiseftirliti Norðurlands vestra. Innsendum umsögnum var komið á framfæri við umsækjanda og skipulagsráðgjafa með tilmælum um að tekið yrði efnislega tillit til þeirra eins og kostur væri við gerð skipulagsins.
Ný tillaga að deiliskipulagi var send send inn þann 3. október sl. og gerði skipulags- og umhverfisráð ekki athugasemdir við deiliskipulagstillöguna á fundi sínum þann 6. október sl. og var hún og forsendur hennar kynntar fyrir íbúum sveitarfélagsins og öðrum hagsmunaaðilum á opnu húsi í ráðhúsi Húnaþings vestra 27. þess mánaðar.
Samkvæmt fundargerð frá 1. desember hefur verið tekið tillit til þeirra ábendinga sem bárust eftir því sem við á. Nokkrar minniháttar breytingar voru gerðar á tillögunni og er gerð grein fyrir þeim breytingum í greinargerð skipulagstillögunnar.
Skipulags- og umhverfisráð leggur til við sveitarstjórn að hún samþykki að deiliskipulagstillagan verði auglýst og jafnframt verði skipulagsfulltrúa falin málsmeðferð vegna auglýsingarinnar.
Fleiri fréttir
-
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira -
Ungmennafélagar vilja koma upp strandblakvelli á Skagaströnd
feykir.is Austur-Húnavatnssýsla, Íþróttir, Mannlíf, Lokað efni 24.06.2025 kl. 11.21Ungmennafélagið Fram á Skagaströnd sendi sveitarstjórn Skagastrandar erindi þar sem óskað er eftir leyfi til þess að koma upp strandblakvelli á lóð sveitarfélagsins. Í frétt á Húnahorninu segir að í erindinu komi fram að tilgangur verkefnisins sé að bæta aðstöðu til útivistar og hreyfingar fyrir almenning á Skagaströnd.Meira -
Fótbolti.net bikarinn fer af stað á Króknum í kvöld
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 10.17Það er fótbolti á Króknum í dag en fyrsti leikurinn í Fótbolti.net bikarnum fer í gang kl. 18 í kvöld þegar Árborg kemur í heimsókn á Sauðárkróksvöll. Lið Kormáks/Hvatar verður einnig í eldlínunni í þessari bikarkeppni neðri deildar liða en Húnvetningar heimsækja Grenivík annað kvöld.Meira -
Silver Wind mætt til Hofsóss
feykir.is Skagafjörður, Mannlíf, Lokað efni 24.06.2025 kl. 09.19Þeir sem eru að rumska á Hofsósi nú um níuleytið og kíkja út á sjóinn ættu að geta barið augum skemmtiferðaskipið Silver Wind sem lagðist við akkeri fyrir utan Hofsós kl. 8 í morgun. Í frétt á Facebook-síðu Skagafjarðarhafna segir að skipið muni heimsækja Hofsós fimm sinnum í sumar.Meira
