Vill sameina Háskólann á Hólum við Landbúnaðarháskólann og Bifröst
Verið er að vinna að úttekt á háskólakerfinu í menntamálaráðuneytinu og hefur menntamálaráðherra sett fram þá hugmynd að sameina Landbúnaðarháskólann, Háskólannn á Hólum og Bifröst í nýja sjálfseignarstofnun. Hugmyndin kom fram í bréfi frá rektor Landbúnaðarháskólans til starfsmanna, rektor Háskólans á Hólum hafði ekki heyrt af hugmyndum ráðherra. Rúv.is greinir frá þessu.
Í upphafi kjörtímabilsins sagði Illugi Gunnarsson menntamálaráðherra að háskólar á Íslandi séu of margir en þeir eru sjö talsins. Verið er að vinna úttekt á háskólakerfinu. Bæði Háskólinn á Hólum og Landbúnaðarháskólinn hafa átt við verulegan fjárhagsvanda að stríða undanfarin ár og hefur ýmsum hugmyndum um hvernig megi leysa þann vanda verið velt upp.
Í frétt Rúv.is segir að rektor Landbúnaðarháskólans sendi öllum starfsmönnum tölvupóst sl. þriðjudag. Þar kemur fram að menntamálaráðherra hafi sett fram þá hugmynd að búin verði til ný sjálfseignarstofnun þar sem sameinaðar verði Landbúnaðarháskólinn, Háskólinn á Hólum og Háskólinn á Bifröst. Í tölvupóstinum segir ennfremur að þessi nýi sameinaði skóli eigi að vera matvæla - ferðaþjónustu- og landbúnaðarháskóli sem geti aflað sér meiri tekna en nú er mögulegt þar sem hægt verði að innheimta skólagjöld.
Vanfjármögnun vandi íslenska háskólakerfisins
Björn Þorsteinsson, rektor Landbúnaðarháskólans, segir að sér hugnist ekki hugmyndir menntamálaráðherra um sameiningu í samtali við Rúv.is og að við fyrstu sýn að þá blasi ekki við að það náist sterkur samruni út úr þremur mjög fjárhagslega veikum stofnunum.
Björn segir skynsamlegra væri að skoða samruna minni háskóla við þá stærri, eins og háskóla Íslands. Hann segir að vandi íslenska háskólakerfisins sé vanfjármögnun. Aðspurður segir hann allt of mikið að hafa sjö háskóla í landinu.
Erla Björg Örnólfsdóttir, rektor Háskólans á Hólum sagði í samtali við fréttastofu Rúv að ráðuneytið hafi ekki haft samband við forsvarsmenn skólans vegna þessa. Hún sagðist ekki vilja tjá sig um hugmyndir ráðherra fyrr en formlegt erindi hefði borist.
Heimildir: Rúv.is.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
