Viltu vera með sölubás, opna vinnustofu eða veita afslátt á Prjónagleði?
Prjónagleði verður haldin á Blönduósi nú um hvítasunnuhelgina, 7.-10. júní. Er þetta í fjórða sinn sem hátíðin er haldin og er það Textilmiðstöð Íslands ásamt samstarfsaðilum á Blönduósi sem að henni stendur.
Í tilefni af Prjónagleðinni verða sölubásar í Félagsheimilinu á Blönduósi. Þar er áhersla lögð á að kynna prjónavörur og þjónustu sem eru í boði fyrir áhugasama prjónara og líka fyrir þá sem hafa gaman að því að skoða eitthvað fallegt. Úrvalið af vörum hefur aukist ár frá ári frá því hátíðin var fyrst haldin. Þeir sem áhuga hafa á að vera með sölubás eru hvattir til að snúa sér til Jóhönnu Erlu Pálmadóttur hjá Textíllistamiðstöðinni á Blönduósi!
Í ár verður hægt að kaupa armband þar sem innifaldir eru fyrirlestrar Prjónagleðinnar og einnig eru margir aðilar á Norðvesturlandi sem veita ýmsan afslátt við framvísun armbandsins. Þeir aðilar sem bjóða afslætti eru kynntir sérstaklega á heimasíðu Textílmiðstövarinnar, textilmidstod.is. Þau fyrirtæki og stofnanir sem vilja veita afslátt í tengslum við Prjónagleðina geta nálgast nánari upplýsingar um fyrirkomulag hjá Jóhönnu.
Jafnframt verður boðið upp á opið hús hjá listafólki og ýmsum söluaðilum á Norðvesturlandi í tengslum við Prjónagleði þann 10. og 11. júní (mánudag og þriðjudag). Með því vilja aðstandendur hátíðarinnar hvetja fólk til að dvelja lengur á svæðinu og upplifa hvað það hefur upp á bjóða. Þeir aðilar sem vilja vera með og vera með opið þessa daga eru beðnir að tilkynna um það til Jóhönnu.
Jóhanna Erla Pálmadóttir veitir allar nánari upplýsingar um ofangreind atriðið hjá: johanna@textilmidstod.is
Nánar um Prjónagleðina 2019 hér.
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.