Virkjunarframkvæmdir gætu hafist 2013
Landsvirkjun hefur um þó nokkurt skeið haft til skoðunar frekari virkjanir í Blöndu og vinnur Landsvirkjun nú að frumhönnun á þremur smávirkjunum í Blönduveitu sem nýta þá óvirkjað fall í veitulegu úr Blöndulóni niður í inntakslón virkjunarinnar sem heitir Gilsárlón. Þetta kom fram í svari Katrínar Júlíusdóttur iðnaðarráðherra við fyrirspurn Einars K. Guðfinnssonar alþingismanns.
Gert er ráð fyrir að uppsett afl verði 28 megavött og er áætlað að samanlögð orkugeta verði um 180 gígavattstundir á ári. Virkjað fall er um 64 metrar úr Blöndulóni í Gilsárlón, sem er inntakslón Blönduvirkjunar. Fyrirhugaðar virkjanir sem verið hafa til skoðunar eru þrjár: Sú efsta, Kolkuvirkjun, sem virkjar fallið úr Blöndulóni yfir í Þrístiklu og verður stöðvarhús hennar staðsett sunnan við Þrístiklu. Næsta er Fannlækjarvirkjun sem virkjar fallið frá Smalatjörn í Austara-Friðmundarvatn og verður stöðvarhúsið staðsett sunnan við vatnið. Sú þriðja er Gilsárvirkjun sem virkjar fallið frá Austara-Friðmundarvatni niður í Gilsárlón og verður stöðvarhúsið staðsett mitt á milli Gilsárlóns og Austara-Friðmundarvatns.
Á næsta ári áformar Landsvirkjun að halda áfram nauðsynlegum rannsóknum og verkfræðilegum undirbúningi auk vinnu við mat á umhverfisáhrifum. Það er mögulegt að hefja virkjunarframkvæmdir á seinni hluta árs 2013 og gangsetja þá virkjanirnar á seinni hluta árs 2016. Núverandi útfærsla á virkjunum í Blönduveitu er raðað í orkunýtingarflokk
Benti ráðherrann á að þessar virkjanaframkvæmdir væru taldar ákjósanlegar út frá nýtingarsjónarmiði og umhverfisáhrifin lítil. Það mætti sjá af því að einhugur var meðal allra sem um málið fjölluðu að skipa virkjuninni í svo kallaðan nýtingarflokk.
Þær virkjunarframkvæmdir í Skagafirði sem voru skoðaðar, voru Skatastaðavirkjanir B og C og Villinganesvirkjun og þeim var raðað í svo kallaðan biðflokk, en ekki í nýtingarflokk.
Benti Einar á þýðingu þess að ákvarðanir verði teknar sem fyrst. Það hefði í för með sér umtalsverð umsvif á svæðinu á meðan á virkjanaframkvæmdum stæði.
„Við sjáum af þessu að ef vel er haldið á spöðunum er hægt að hefja þarna framkvæmdir síðari hluta árs 2013, eftir u.þ.b. tvö ár. Þá er mjög mikilvægt að nýta tímann vel á næsta ári til að vinna að þeim undirbúningi sem hæstv. iðnaðarráðherra rakti, bæði að tæknilegum undirbúningi og eins undirbúningi sem lýtur að umhverfismatinu“, sagði Einar.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
