Yfirlýsing frá Elínu R. Líndal.
Ég, Elín R. Líndal, hef ákveðið að bjóða mig fram í 2. sætið á lista Framsóknarflokksins í Norðvesturkjördæmi í kosningunum í vor.
Nú um stundir er öllum ljóst að á undanförnum árum hefur margt í okkar þjóðfélagi verið byggt á tálsýn. Mikið uppbyggingar- og endurreisnarstarf er framundan í íslensku samfélagi, starf sem krefst víðtækrar þekkingar, reynslu og sjónarmiða beggja kynja. Umfram allt krefjast komandi tímar þess, af þeim sem til forystu veljast, að ákvarðanir séu teknar sem eru raunsannar fyrir atvinnulífið, fjölskyldurnar og velferð í landinu. Nú þurfum við Íslendingar að standa í fæturna, vinna saman og hafa úthald til að koma góðum áformum í framkvæmd. Í öllum þessum störfum felast áskoranir sem ég er reiðubúin að takast á við af festu, ábyrgð og fullri einurð.
Ég er 52 ára, bý á Lækjamóti í Húnaþingi vestra, er gift Þóri Ísólfssyni og eigum við þrjú börn. Ég er gagnfræðingur frá Héraðsskólanum að Reykjum í Hrútafirði, með Diploma í opinberri stjórnsýslu og stjórnun frá Endurmenntunarstofnun Háskóla Íslands og Diploma í rekstrar- og viðskiptafræðum frá Háskólanum á Akureyri.
Ég er framkvæmdastjóri Forsvars á Hvammstanga og formaður byggðaráðs Húnaþings vestra. Mér hafa um árabil verið falin fjölmörg trúnaðarstörf, bæði í héraði og á landsvísu. M.a. sit ég í stjórn Íbúðalánasjóðs, í stjórn Sambands íslenskra sveitarfélaga, í verkefnisstjórn rammaáætlunar um nýtingu vatnsafls og jarðvarma fyrir hönd sveitarfélaganna í landinu, er formaður Tryggingarsjóðs sjálfstætt starfandi einstaklinga. Ég hef tekið virkan þátt í rekstri atvinnufyrirtækja, verið í forystusveit sveitarfélagsins Húnaþings vestra frá upphafi þess og var í nokkur ár stjórnarformaður Heilbrigðisstofnunarinnar Hvammstanga. Aukið jafnrétti kynjanna er málefni sem mér er hugleikið og vann ég að því í átta ár sem formaður Jafnréttisráðs.
Ég hef starfað í Framsóknarflokknum um árabil og gegnt þar ýmsum trúnaðarstörfum, svo sem í landstjórn, miðstjórn, sveitarstjórnarráði og varaþingmaður. Þau störf sem ég hef unnið fyrir flokkinn hafa veitt mér ánægju og verið mitt aðaláhugamál í gegnum tíðina.
Með framsóknarkveðju, Elín R. Líndal
e.lin@forsvar.is 893 6922
Fleiri fréttir
-
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.