Fréttir

Handbendi – Brúðuleikhús er atvinnubrúðuleikhús Norðurlands vestra. Þar er nú opið fyrir umsóknir um tímabundna stöðu lærlings í sviðslistum sem myndi aðstoða við sköpun nýs brúðuverks sem kallast Tröll. Verkið mun fara um Ísland 2017, áður en það heldur í leikferðalag um Bretland og Evrópu. Um er að ræða launað starf, styrkt af Samtökum Sveitarfélaga á Norðurlandi vestra (SSNV), fyrir ungan einstakling á aldrinum 16-26 ára sem hefur áhuga á því að læra til verka og öðlast reynslu af stjórnun í listageiranum, brúðuleikhúsi, og leikhúsframleiðslu.

Sveitarstjórn Húnaþings vestra lagði á fundi sínum síðast liðinn fimmtudag fram bókum um löggæslu í héraðinu. Byggðarráð hafði áður fjallað um málið á fundi 5. september, í kjölfars þess að tvær klukkustundir liðu frá því að útkall barst þar til lögregla kom á vettvang á Hvammstanga.

Hið árlega Króksbrautarhlaup verður háð næstkomandi laugardag 17. september en þá er sprett úr spori á þjóðveginum milli Varmahlíðar og Sauðárkróks og endað við sundlaug Sauðárkróks. Rúta fer frá sundlauginni klukkan 10:30 og keyrir að Glaumbæ og geta hlauparar valið sér vegalengd og farið út hvar sem er á þeirri leið.

„Sterkur listi sjálfstæðisflokksins í höfuðborginni“ segir Brynjar Níelsson. Hér er listinn: Ég skrifaði við nokkrar staðreyndir um frambjóðendurna.

Kæru félagar nú er hafin kosning í forvali Vinstri grænna í Norðvesturkjördæmi fyrir komandi Alþingingiskosningar. Ég býð mig fram til að leiða listann í 1. sæti.

Póstkosning vegna forvals Vinstri grænna í Norðvesturkjördæmi fyrir alþingiskosningar 29. október nk. hófst í dag, 12. september, en síðasti dagur til að póstleggja atkvæði er 20. september. Atkvæði verða svo talin í Leifsbúð í Búðardal sunnudaginn 25. september nk. Fjórir bjóða sig fram í fyrsta sætið.

Það viðraði ekki vel á gangnamenn norðanlands um helgina því vindar blésu úr norðri með kulda og vætu. Þoka var víða í fjallahlíðum sem gerði leitir erfiðari en ella. Samt var gengið víðast hvar en þó hefur frést af Skaga að þar hafi smölun að hluta til a.m.k. verið frestað fram í vikuna. Í Skarðarétt var fjárdrætti frestað fram á sunnudag.

Hjá Heilbrigðisstofnun Vesturlands á Hvammstanga er nú í boði ný þjónusta, sem felur í sér endurhæfingar- og hvíldarinnlagnir. Þrír einstaklingar geta nýtt sér þjónustuna á hverjum tíma. Markmið þessa er að aðstoða aldraðra einstaklinga við að efla og viðhalda eigin færni til athafna daglegs lífs.

Fulltrúar Sveitarfélagsins Skagafjarðar og Landhelgisgæslu Íslands undirrituðu á dögunum samkomulag um hafnarþjónustu fyrir varðskip Landhelgisgæslunnar á Sauðárkróki. Á heimasíðu sveitarfélagsins segir að samkomulagið kveði á um að Landhelgisgæslunni verði veitt öll nauðsynleg þjónusta fyrir varðskip stofnunarinnar á Sauðárkróki um lengri eða skemmri tíma, þ.m.t. hafnaraðstöðu, aðgang að heitu og köldu vatni, aðgang að rafmagni og losun á sorpi.

Veðurblíðan í sumar hefur verið slík að menn eru farnir að fyrirgefa veðurguðunum leiðinleg sumur langt aftur í tímann. Það verður allt bara svo miklu fallegra, skemmtilegra og á allan hátt betra þegar veðrið er gott. Ekki spillir fyrir þegar í kjölfarið fylgir sumarauki eins og var í síðustu viku en fékk reyndar skjótan endi um helgina þegar fjölmargir héldu í göngur í roki og rigningu. Eftir volkið þar er gott að ylja sér við minningar um blíðuna í sumar.