Fréttir

Nýprent Open barna og unglingamótið fór fram á Hlíðarendavelli í gær, sunnudaginn 19. júní. Mótið er hluti af Norðurlandsmótaröð barna og unglinga og var það fyrsta í röðinni þetta árið. Þátttakendur koma frá Golfklúbbi Sauðárkróks(GSS), Golfklúbbi Akureyrar(GA), Golfklúbbnum Hamri á Dalvík(GHD) og Golfklúbbi Fjallabyggðar(GFB).

Glæsilegur sjúkrabíll, af gerðinni Benz Sprinter, kom á Blönduós á dögunum og leysir af hólmi eldri bíl sömu gerðar sem þar var fyrir. Er hann úr annarri sendingum af tveimur sem Rauði krossinn hefur látið innrétta í Póllandi og flutt til landsins, en fyrsta sendingin kom á síðasta ári. Að sögn Einars Óla Fossdal er allur búnaður í bílnum eins og best verður á kosið, bæði fyrir sjúklinga og starfsfólk.

Kvenfélagið Hekla heldur sitt árlega og sívinsæla kaffihlaðborð á þjóðhátíðardaginn 17. júní frá klukkan 14 til 17 í Skagabúð. Verð er 1.700 krónur fyrir 13 ára og eldri og 1.200 krónur fyrir börn 7 til 12 ára. „Gleðjumst saman í þjóðhátíðarstemningu, hlökkum til að sjá ykkur,“ segir í auglýsingu frá kvenfélaginu.

Þjóðhátíðardagurinn verður haldinn hátíðlegur á Blönduósi 17. júní. Að venju verður boðið upp á ýmislegt til skemmtunar og afþreyingar. Hefðbundin skrúðganga verður farin frá SAH Afurðum að Félagsheimilinu og hefst hún klukkan 13:30. Síðan verður hátíðardagskrá á Bæjartorgi með hugvekju, fjallkonu, tónlist og hátíðarræðu svo eitthvað sé nefnt.

Þjóðhátíðardagur Íslendinga er haldinn hátíðlegur um allt land á morgun og ýmislegt um að vera á Norðurlandi vestra í tilefni dagsins. Eftirfarandi er dagskráin í Skagafirði.

Margt var um manninn á Mælifelli, Sauðárkróki í dag en þar hélt Guðni Th. Jóhannesson, forsetaframbjóðandi fund. Á fundinum reifaði Guðni hugmyndir sínar um forsetaembættið, fór með gamansögur og svaraði spurningum úr sal.

Leikarinn góðkunni og Íslandsvinurinn Ben Stiller var staddur á landinu á dögunum. Á meðan á dvöl hans stóð fór hann í siglingu með Drangeyjarferðum út í Drangey í Skagafirði síðastliðinn laugardag. „Hann fékk alveg frábært veður, útsýni yfir allan fjörðinn og sá nóg af lunda - þetta var mjög skemmtileg ferð,“ sagði Helgi Rafn Viggósson hjá Drangeyjarferðum, eða Drangey Tours, í samtali við Feyki.

Slysa­varna­skóli sjó­manna fékk tíu björg­un­ar­galla að gjöf frá VÍS á dögunum. Samkvæmt fréttatilkynningu voru gall­arn­ir af­hent­ir í kjöl­far sjó­mannadags­ins en þetta er í sjö­unda sinn, sem full­trú­ar VÍS færa skól­an­um tug björg­un­ar­galla að gjöf og því orðinn fast­ur ár­leg­ur liður.

Aðalfundur Flugu verður haldinn í anddyri Reiðhallarinnar Svaðastaða miðvikudaginn 22. júní kl. 18:00. Á dagskrá eru venjuleg aðalfundarstörf. Áhugasamir um málefni Reiðhallarinnar hvattir til að mæta.

Bæjarhátíðin Skagginn verður haldin í annað sinn á Skagaströnd helgina 26. - 28. ágúst næstkomandi. Á Facebook-síðu viðburðarins kemur fram að dagskráin sé í mótun og er stefnt á að kynna dagskrárliði jafnt og þétt út júnímánuð.