Fréttir

Lengjubikarinn í knattspyrnu er farinn af stað og hefur Meistaraflokkur kvenna í Tindastóli leikið þrjá leiki í bikarnum, þar af sigrað tvo leiki. Tindastóll leikur í C-deild kvenna riðil 3 og er í 2. sæti með 6 stig.

Þriðjudaginn 5. apríl 2016 komu félagar í Veðurklúbbnum á Dalbæ saman til fundar. Fundurinn hófst kl. 14:05. Fundarmenn voru tólf talsins. Fundinum lauk kl. 14:26. Farið var yfir spá fyrir síðasta mánuð, en þá reiknuðu menn með stuttum veðurhvelli, sem gekk eftir þó svo að hans gætti ekki verulega hér.

Lagardére hefur samið við Fjölnet um að sjá um tæknimál fyrirtækisins. Samningurinn felur í sér að Fjölnet hefur umsjón með net og öryggismálum, Office 365, útstöðvum, prentþjónustu, EDI skeytasendingum og almennri tölvuþjónustu. Einnig veitir samningurinn starfsfólki Lagardére aðgang að þjónustuborði Fjölnets.

Tjaldstæðið á Sauðárkróki var opnað óvenju snemma þetta árið, eða á laugardaginn var. Þá höfðu þegar þrír gestir gist á tjaldsvæðinu, sem vanalega er opnað 15. maí.

Frétta- og tökumaður frá danska ríkissjónvarpinu DR1 ræddi við nokkra Skagfirðinga síðastliðinn föstudag og var það hluti af umfjöllun um ólgunni sem hefur ríkt í stjórnmálum landsins undanfarna daga. Þátturinn Tv Avisen sýndi frá mótmælunum á Austurvelli og þá var farið norður í Skagafjörð, sem þekkt er fyrir mikið fylgi við Framsóknarflokkinn.

Úthlutað hefur verið úr Sprotasjóði mennta- og menningarmálaráðuneytisins fyrir skólaárið 2016-2017. Alls bárust 129 umsóknir til sjóðsins og var heildarupphæð umsókna rúmar 300 milljónir króna. Veittir voru styrkir til 38 verkefna að upphæð rúmlega 60 milljónir króna. Tvö verkefni á Norðurlandi vestra hlutu styrki, annars vegar verkefni á vegum FNV og hins vegar verkefni á vegum Félags- og skólaþjónusta Austur-Húnavatnssýslu og Fræðsluskrifstofa Austur-Húnvetninga.

Aðalfundur kjördæmisráðs Samfylkingarinnar í Norðvesturkjördæmi var haldinn í Landnámssetrinu í Borgarbyggð á laugardaginn. Á fundinum var samþykkt stjórnmálaályktun en í henni segir m.a. að verkefni stjórnmálanna á komandi mánuðum og misserum sé að endurreisa velferðarkerfið, tryggja samfélagslegan arð af auðlindum landsins, og endurvekja traust í samfélaginu eftir áföll í efnahags- og stjórnmálalífi frá efnahagshruninu 2008 og fram á þennan dag.

Haukar og Tindastóll mættust þriðja sinni á Ásvöllum í gær í einvígi liðanna um sæti í úrslitum Dominos-deildarinnar. Leikurinn var nokkuð sveiflukenndur en æsispennandi fram á lokamínútur þegar heimamenn í Hafnarfirði skriðu framúr Stólunum. Lokatölur voru 89-81 og Haukar því aftur komnir með yfirhöndina í rimmunni.

Pilt­ur á tví­tugs­aldri ligg­ur al­var­lega slasaður á gjör­gæslu­deild Land­spít­al­ans í Foss­vogi. Samkvæmt heimildum Mbl.is var hann flutt­ur þangað í morg­un með þyrlu Land­helg­is­gæslu Íslands eft­ir bíl­slys á Holta­vörðuheiði.

Alþjóðlegi prjónadagurinn er 11. júní nk. og hann verður aldeilis haldinn hátíðlegur á Blönduósi þegar prjónahátíðin Prjónagleði fer fram í fyrsta sinn, helgina 10. - 12. júní. Þar mun áhugafólk um prjónaskap sameinast, deila og miðla reynslu, læra eitthvað nýtt og hafa gaman. Feykir ræddi við skipuleggjanda hátíðarinnar, Jóhönnu Erlu Pálmadóttur, framkvæmdastjóra Textílseturs Íslands, og fékk að heyra nánar um fögnuðinn sem framundan er.