Fréttir

Andrea Weber er frönsk-þýsk listakona sem býr í París. Hún hefur vanið komur sínar til Íslands frá árinu 2009 og líkt og margir listamenn tekið ástfóstri við Skagaströnd og nærsveitir. Nýverið gaf hún út tímaritið Skagaströnd Review sem er afrakstur rannsóknar- og þróunarverkefnis þar sem hún tengir saman ljósmynda- og listasögu bæjarins. Feykir fékk að heyra meira um útgáfu þessa sérstæða rits.

Fjallað var um framkvæmdir við smábátahöfnina á Sauðárkróki á fundi Umhverfis- og samgöngunefndar Svf. Skagafjarðar 31. mars sl. Í fundargerð nefndarinnar kemur fram að vinna við gerð skjólgarðs við smábátahöfnina hófst 29. janúar sl. Búið er að keyra fyllingarefni í u.þ.b. 100m af 150m og er grjótröðun hafin í hluta garðsins. Áætluð verklok er 15. maí nk.

Síðasta mótið í mótaröð Hestamannafélagsins Neista í Austur-Húnavatnssýslu var haldið í gærkvöldi og tókst með miklum ágætum, að því er sagt er á heimasíðu félagsins.

Skagfirðingurinn Gunnar Bragi Sveinsson lætur af störfum sem utanríkisráðherra og tekur við embætti sjávarútvegs- og landbúnaðarráðherra. „Ég þakka fyrir mig og hlakka til að takast á við ný verkefni í atvinnuvegaráðuneytinu sem sjávarútvegs- og landbúnaðar-ráðherra,“ segir Gunnar Bragi á Facebook-síðu sinni.

Skotfélaginu Markviss í Austur-Húnavatnssýslu var í gær veitt viðurkenning sem Fyrirmyndarfélag ÍSÍ. Afhendingin fór fram í Íþróttamiðstöðinni á Blönduósi.

Á fundi byggðarráðs Svf. Skagafjarðar þann 17. mars sl. kom fram að sveitarfélagið hefði í hyggju að óska eftir formlegu samstarfi við ASÍ um uppbyggingu á íbúðarhúsnæði fyrir tekjulágar fjölskyldur og einstaklinga í Skagafirði. Var það gert í ljósi nýlegrar viljayfirlýsingar Alþýðusambands Íslands og Reykjavíkurborgar um uppbyggingu á íbúðarhúsnæði í borginni. Óskað var eftir samstarfinu á sama grundvelli til að bæta úr brýnum húsnæðisskorti í Sveitarfélaginu Skagafirði.

Heilsudagar á Blönduósi hófust á Blönduósi í dag og standa þeir yfir til 18. apríl. Markmið þeirra er að hvetja fólk til að hreyfa sig og huga vel á heilsunni.

Eitt kauptilboð barst í gamla barnaskólann við Freyjugötu á Sauðárkróki sem felst í að breyta húsnæðinu í íbúðir. Tilboðið barst frá Friðriki Jónssyni ehf. fyrir hönd óstofnaðs dótturfélags. Farið var yfir tilboðið á fundi Byggðarráðs Sveitarfélagsins Skagafjarðar í gær.

Körfuknattleiksdeild Tindastóls og Anthony Gurley hafa komist að samkomulagi um að Anthony hafi leikið sinn síðasta leik fyrir félagið. „Eftir langt og gott spjall formanns körfuknattleiksdeildar og Anthony töldu báðir aðilar að það væri félaginu fyrir bestu að Anthony myndi hætta að leika fyrir félagið,“ segir í fréttatilkynningu.

Í vikunni sem er að líða hefur verið dans- og nýsköpunarkennsla í Grunnskólanum austan Vatna í Skagafirði. Hafa nemendur frá starfsstöðunum þremur verið saman komnir á Hofsósi í kennslunni. Einnig hefur öll tónlistarkennslan verið á Hofsósi í vikunni.