Fréttir

Margir tala um að þunginn í komandi alþingiskosningum snúist um heilbrigðismál. Gott og vel, framfarir í heilbrigðisþjónustu kalla á meira fjármagn. Það hefur reynst stjórnvöldum erfitt að verða við því ákalli, þó hefur aldrei verið settur eins mikill peningur í heilbrigðiskerfið og á yfirstandandi kjörtímabili, en betur má ef duga skal

Þvottahúsið Perlan á Hvammstanga hefur verið starfrækt um nokkurt skeið en síðstu ár hefur starfsemin tekið talsverðum breytingum. Það sem byrjaði sem aukavinna hjá hjónunum Sigfríði Eggertsdóttur og Guðjóns Valgeirs Guðjínssonar er í dag öflugt fyrirtæki með hátt í tuttugu manns í vinnu þegar best lætur.

Framtíðarstefna stjórnvalda í fæðingarorlofsmálum hefur verið lögð fram. Helstu markmið þeirra breytinga sem kveðið er á um, er að tryggja börnum samvistir við báða foreldra sína, jafnframt því að gera foreldrum betur kleift að samræma fjölskyldu- og atvinnulíf. Í þessu skyni er áhersla lögð á að raska sem minnst tekjum heimila þegar foreldrar leggja niður störf í fæðingaroflofi til að annast börn sín.

Á aðalfundi Samtaka orkusveitarfélaga í liðinni viku var inntökubeiðni Blönduósbæjar í samtökin samþykkt og var Arnar Þór Sævarsson bæjarstjóri kjörinn varafulltrúi. Fyrir var eitt sveitarfélag á Norðurlandi vestra í samtökunum, Húnavatnshreppur. Samtök orkusveitarfélaga voru stofnuð árið 2011 og er markmið þeirra einkum að standa vörð um hagsmuni aðildarsveitarfélaga í öllum málum sem tengjast byggingu orkuvera og virkjana, orkunýtingu, fjárhagslegum hagsmunum í þessu sambandi og umhverfismálum.

Á morgun opnar markaðstorg á netinu sem kallast Kjötborðið þar sem bændur og aðrir kjötframleiðendur geta með einfaldari hætti en áður selt framleiðslu sína beint til neytenda. Vignir Már Lýðsson framkvæmdastjóri Kjötborðsins segir viðbrögðin hafa verið vonum framar en nú þegar hafi hátt í þúsund manns skráð sig á póstlista Kjötborðsins sem áhugasamir kaupendur að kjöti beint frá býli.

Fulltrúar frá Rafiðnaðarsambandi Íslands og SART, Samtökum rafverktaka komu færandi hendi í Fjölbrautaskóla Norðurlands vestra í gær og færðu nemendum rafiðna við skólann spjaldtölvur að gjöf. Allir nemar í rafiðngreinum á landinu, samtals um 800 manns, fá gefins spjaldtölvur í haust frá samtökunum tveimur fyrir hönd allra atvinnurekenda og launþega í rafiðnaði.

Þann 9. september sl. var haldin vígsluathöfn Kiwanisklúbbsins Freyju í Skagafirði, þegar hann formlega var vígður inn í Kiwanisfjölskylduna. Stofnfélagar Freyju voru sextán talsins, og klúbburinn eingöngu skipaður konum.

Nafn: Halla Rut Stefánsdóttir. Árgangur: '77 árgangur. Hvað ætlaðir þú að verða þegar þú yrðir stór? Það var nú margt, en aldrei datt mér í huga að ég yrði prestur. Hver er elsta minningin sem þú átt? Ég man vel eftir mér og Berglindi systur minni inn í herbergi í Raftahlíðinni, hún hágrátandi og ég að reyna að troða henni í allt of lítil föt. Fékk skammir, man það.

Allsherjar- og menntamálanefnd hefur nú lokið afgreiðslu á máli um námslán og námsstyrki til annarar umræðu en í meðförum nefndarinnar hefur helst verið lögð til sú breyting að námsaðstoð verði fyrirframgreidd og greidd út mánaðarlega, sæki námsmenn um það.

Ferðamáladeild Háskólans á Hólum hefur boðað til ráðstefnu á Grand Hótel mánudaginn 3. október nk. þar sem umfjöllunarefnið verður menntun á háskólastigi í ferðamálafræði og gestamóttöku. Ráðstefnan er haldin í tilefni af 20 ár afmæli ferðamáladeildarinnar og henni er ætlað að vera innlegg í þá umræðu sem nú stendur yfir um menntun í ferðamálum.