Fréttir

Kvennalið Tindastóls lék síðasta æfingaleik sinn fyrir komandi keppnistímabil í gær en þá heimsóttu Stólastúlkur lið Fram en Óskar Smári Haraldsson frá Brautarholti er annar þjálfara Framliðsins og var einmitt annar þjálfara Tindastóls sl. sumar í Pepsi Max. Lið Fram spilar í 2. deildinni í sumar og reyndust Stólastúlkur helst til of stór biti en leikurinn endaði með 1-7 sigri Tindastóls.

Úrslit voru kunngjörð í Vísnakeppni Safnahúss Skagfirðinga 2022 á setningu Sæluviku sem fram fór í Safnahúsinu á Sauðárkróki fyrr í dag. Þó ekki hafi verið um metþátttöku að ræða að þessu sinni, þar sem einungis sjö hagyrðingar sendu inn efni, komu ágætar vísur og botnar svo ekki var auðvelt frekar en áður að velja verðlaunabotn og vísu.

Samfélagsverðlaun Skagafjarðar voru veitt í sjöunda skipti við setningu Sæluviku Skagfirðinga fyrr í dag en þau veitt árlega þeim einstaklingi, fyrirtæki, stofnun eða félagasamtökum í Skagafirði sem hafa með störfum sínum lagt mikið til þess að efla Skagfirskt samfélag.

Sæluvika Skagfirðinga hefst í dag með formlegri setningu í Safnahúsi Skagfirðinga kl. 13:00. Þar verða samfélagsverðlaun Skagafjarðar veitt í 7. sinn, úrslit í vísnakeppni Safnahúss Skagfirðinga tilkynnt, fjallkonukyrtill Pilsaþyts verður til sýnis og kaffiveitingar og kaka í boði fyrir gesti.

Það þekkja allir Gunna Helga, enda margir eftirminnilegir kappar með því nafni. Bók-haldið er hins vegar búið að banka stafrænt upp á hjá rithöfundinum, leikaranum og leikstjóranum Gunnari Helgasyni í Hafnarfirði. Það er sjaldnast einhver lognmolla í kringum hann og það er rétt með naumindum að hann nái að svara spurningum Feykis í tæka tíð – hann er nefnilega eitthvað að sprella með Ladda og félögum.

Í gær afhenti Pilsaþytur í Skagafirði Sveitarfélaginu Skagafirði kyrtil til afnota fyrir Fjallkonu sveitarfélagsins við hátíðlega athöfn. Frá haustdögum 2019 hefur félagið unnið að því að sauma búninginn en því verki lauk í nóvember á síðasta ári og til stóð að afhenda hann 1. desember en samkomutakmarkanir o.fl. komu í veg fyrir það.

Hvað er títt? Jú, bara þokkalegt! sagði nemandi minn þegar ég spurði hann frétta snemma dags fyrir nokkru. Nemendur mínir eru oft skemmtilegir í tilsvörum, maður heyrir oft hvaða nesti þau hafa að heiman, eins og flestir þekkja þá eru börn gjarnan speglar foreldra sinna eða aðal umönnunaraðila.

Við þurfum ekki öll að sigra heiminn. Margt smátt gerir eitt stórt og þannig ber okkur að hugsa þegar kemur að aðgengi. Við skulum fyrst og fremst huga að okkar nærumhverfi og þeim verkefnum sem við sjálf vinnum að og standa okkur nærri. Hér koma nokkrar hugmyndir um hluti sem ég tel mikilvæga og ættu allir að geta fundið eitthvað sem þeir geta gert:

Tindastólsmenn fylgdu eftir glæstum sigri á Keflvíkingum á páskadegi með mögnuðum sigri í fyrsta leik einvígisins gegn deildarmeisturum Njarðvíkinga í undanúrslitum Subway-deildarinnar sem leikinn var í gærkvöldi suður með sjó. Heimamenn höfðu frumkvæðið framan af leik en Stólarnir héldu haus og svöruðu öllum góðu köflum heimamanna með glæsibrag. Í fjórða leikhluta skiptust liðin á um að hafa forystuna en Stólarnir höfðu fleiri tromp á hendi að þessu sinni og tryggðu sér sigurinn eftir talsverða dramatík á lokasekúndunum. Lokatölur 79-84 og Tindastólsmenn til alls líklegir.

Í dag gekkst Lilla Páls, Ingibjörg Pálsdóttir fyrir hátíðahöldum á sumardaginn fyrsta á Hvammstanga í 65. sinn. Í upphafi blésu Lilla og fjórir aðrir vinir til þessara hátíðahalda til fjáröflunar fyrir gróðursetningu í Sjúkrahúsgarðinum en þau stofnuðu svokallað Fegrunarfélag til að koma því verkefni á koppinn. Sá garður er löngu orðinn dásamlegur unaðsreitur. Hátíðin hefur þróast í ýmsar áttir í gegnum tíðina en alltaf haldið sama kjarna í dagskránni þ.e. skrúðgöngu með Vetur konung og Sumardísina í fararbroddi. Vetur konumgur hefur síðan afhent Sumardísinni völdin. Þau hafa alla tíð verið klædd í búninga sem forvígiskonurnar saumuðu.