Fréttir

"Ef reiknað er bara sumartímabilið eða frá 1. júní til dagsins í dag er árið í ár (2021) stærra en 2019, sem gerir sumarið í ár það besta hingað til það sem af er því. Sumartímabilið okkar er 1. júní til 20. ágúst ár hvert," segir í færslu Íþróttamiðstöðvarinnar.

Textílmiðstöð Íslands auglýsir eftir öflugum aðila í nýtt og spennandi starf við uppbyggingu TextílLabs á Blönduósi. Um er að ræða einstakt tækifæri til að móta og þróa nýtt starf þar sem fléttast saman aldagömul textílhefð okkar Íslendinga og fjórða iðnbyltingin.

Eitt sérstæðasta réttarstæði landsins er án vafa Hamarsrétt á vestanverðu Vatnsnesi, nokkurra kílómetra holóttan spöl norður af Hvammstanga. Þegar blaðamaður Feykis renndi fyrir Vatnsnesið nú um helgina mátti sjá að lagfæringar stóðu yfir á réttinni sem staðsett er í fjörukambinum.

Öðru ári í Sjávarútvegsskóla unga fólksins á Sauðárkróki er nú lokið. Kennt var vikuna 7-11. júní. Nemendur sem sóttu skólann voru 13 og hafa lokið 8. bekk grunnskóla. Verkefnið var unnið í samstarfi vinnuskóla Sauðárkróks, Sjávarútvegsmiðstöðvar Háskólans á Akureyri og fyrirtækja í sjávarútvegi og eða tengdum greinum.

Markmið stuðningsins er að aðstoða nýliða við að hefja búskap og auðvelda ættliðaskipti í landbúnaði.

Húsfyllir var er Ágúst Guðmundsson kynnti nýútkomna bók sína Á Króknum 1971 í útgáfuteiti sem haldið var á KK restaurant á Sauðárkróki fyrir skömmu. Bókin er gefin út í tilefni 150 ára byggðarafmæli Sauðárkróks, sem er á þessu ári, en 1971 voru árin 100. Bókin skiptist í 18 kafla og er dregin upp skemmtileg mynd af mannlífi á Króknum 1971 en á bókarkápu segir að óhætt megi segja að afmælisárið 1971 hafi verið sérlega merkilegt og viðburðaríkt í sögu bæjarins.

Hinn árlega Ábæjarmessa fer fram í dag, sunnudaginn 1. ágúst, í Ábæjarkirkju í Austurdal, klukkan 14:00.

"Ef ég byrja á einni peysu þá enda ég með að klára sex peysur,“ segir Ásthildur Gunnlaugsdóttir sem segir lesendum frá því hvað hún er með á prjónunum.

Þannig mun nafnið rjett ritað (ekki Vaglir). Því að í Ljósvetningasögu segir: „Arnórr ríðr á Vagla“ (Ljósvetningasaga, bls. 5). Og Prestssaga Guðmundar góða segir svo frá: „Þá fór Ingimundur fóstri hans á Vagla at búa“ (Sturl. I., bls. 171). Á báðum stöðum er orðið (kk.) í þolfalli, og tekur af öll tvímæli um, að nefnif. hefir verið Vaglar. Þolf. Vagli finst fyrst við árið 1452, en í öðru brjefi sama ár, er það ritað Vagla (Dipl. Ísl. V. b., bls. 89 og 91 og víðar).

Loðnuveiðar hafa löngum verið stundaðar við Íslandsstrendur enda um einn helsta nytjafisk Íslendinga að ræða, samkvæmt því sem fram kemur á vef Hafrannsóknastofnunar, en með hlýnun sjávar á undanförnum árum hefur orðið breyting á dreifingu hennar. Loðna er ein af fimm uppsjávarfiskistofnum sem veiddir eru af íslenskum fiskiskipum og á WikiPedia segir að loðna sé brædd og notuð í fiskifóður og lýsisframleiðslu, en sé einnig notuð til manneldis, m.a. séu loðnuhrogn eftirsótt matvara í Japan.