Gamli góði Hólavegurinn.- Hinir brottflognu
Hver er maðurinn? Björn Jóhann Björnsson
Hverra manna ertu ? Kominn af bæði handanvatnamönnum og héraðshöfðingjum, foreldrar eru Björn Guðnason frá Hofsósi (d. 1992) og Margrét Guðvinsdóttir frá Stóru-Seylu.
Árgangur? 1967
Hvar elur þú manninn í dag ? Hlíðarotta í Reykjavík í bráðum 20 ár.
Fjölskylduhagir? Kvæntur Eddu Traustadóttur hjúkrunarfræðingi, eigum tvö börn.
Afkomendur? Aron Trausti, f. 1995, og Tinna Birna, f. 2000.
Helstu áhugamál? Golf, Liverpool, fjölmiðlun, lestur góðra bóka og ferðalög.
Við hvað starfar þú? Blaðamaður og vaktstjóri á Morgunblaðinu.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er ......alltaf gamli góði Hólavegurinn.
Það er gaman......að hafa ekki átt hlutabréf og bara skuldir, sem vonandi verða afskrifaðar...
Ég man þá daga er.......útrásin stóð sem hæst og allir áttu nóg af peningum, eða það héldu amk allir...
Ein gömul og góð sönn saga......... Norðurlandsmót í knattspyrnu á Dalvík á árum áður (líklegast í 4. flokki) er mér um margt minnisstætt, m.a. fyrir tvennt. Annað var þegar Himmi Valla, þá einn besti markvörður norðan heiða, hellti sér yfir undirritaðan fyrir slælega vörn í hornspyrnu í einum stórleik. Hann hafði sitthvað til sín máls, því ég gekk frá markstönginni er mér sýndist slök hornspyrna mótherjans á leið aftur fyrir. Kom boltinn skoppandi eftir grófum malarvellinum en hann breytti víst um stefnu á lokasprettinum og rann hægt og hljótt inn í markið, Himma og mér til ævarandi armæðu.
Á sama fótboltamóti hafði Eyjólfur nokkur Sverrisson draumfarir svo miklar að hann talaði upp úr svefni. Ég vaknaði upp við það, við hlið hans í svefnpokaplássinu í íþróttasalnum, að Jolli umlaði í sífellu “skítur á stjórnborða, skítur á stjórnborða”. Litlu skipti þó reynt væri að vekja drenginn þarna um miðja nótt, svo fast svaf hann. Draumfræðin segja okkur að það að dreyma skít sé ávísun á auðævi, en það að skítur sé á stjórnborða er mönnum enn hulin ráðgáta!
Spurt frá síðasta viðmælanda.................... Rifjaðu nú upp með mér… af hverju varstu aftur kallaður Bubbi kóngur?
Svar.......... Það fennir í sporin en ef ég man þetta rétt þá hafði ég ótvíræða forystuhæfileika og vel vaxinn á alla kanta, ekki ósvipað og Davíð Oddsson. Eini munurinn á okkur er að hann hefur þorað að sýna þessa hæfileika, en ég til allrar hamingju ekki...
Hvern villt þú sjá svara þessum spurningum og hvaða spurningu myndir þú leggja fyrir viðkomandi?
Nafn....... Hólmar Ástvaldsson.
Spurningin er............... Ef þú værir enn í hringiðu viðskiptalífsins í Bandaríkjunum, væri Wall Street þá nokkuð hrunið?!
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.