Baldri leist mjög vel á Deremy
Það styttist í að Dominos-deildin fari af stað á nýjan leik en fyrstu leikirnir í síðari umferð deildarkeppninnar eru á sunnudag. Lið Tindastóls heldur suður yfir Holtavörðuheiðina á mánudaginn og lætur ekki staðar numið fyrr en komið verður í Sláturhúsið í Keflavík þar sem strákarnir mæta sterku liði heimamanna kl. 19:15.
Eins og sést hefur í fréttum síðustu daga hafa liðin í Dominos-deildinni verið að styrkja sig og á síðasta degi ársins 2019 var tilkynnt að lið Tindastóls hefði samið við Deremy Geiger um að spila með liðinu á nýju ári. Feykir sendi örfáar spurningar á Baldur Þór Ragnarsson, þjálfara Tindastóls, varðandi nýja leikmanninn.
Hverjir eru styrkleikar Geigers og hver er hugmyndin með því að fá hann til liðsins? „Mjög mikil reynsla úr evrópskum körfubolta, góður skotmaður, góður pikk og ról leikmaður. Einnig er hann agaður og getur stjórnað leiknum á mikilvægum augnablikum. Þannig að hann á að styrkja liðið.“
Hvers vegna ákváðu Stólarnir að bæta við sig kana? „Evrópurmarkaðurinn er erfiður núna og eru flestir góðir leikmenn á samningi nú þegar. Þannig að ég ákvað að skoða USA markaðinn og mér leist mjög vel á Deremy.“
Eru allir komnir til baka úr jólafríí og komnir í gírinn? „Allir leikmenn eru komnir til baka. Við erum bunir að æfa á hverjum degi síðan 28.des. Jasmin er klár í slaginn og verður með í næsta leik,“ segir Baldur að lokum.
Það er ekki spurning að það verður spennandi að fylgjast með baráttunni í Dominos-deildinni næstu vikurnar. Það er skammt stórra högga á milli hjá Stólunum því að nk. föstudag koma samsveitarmenn Keflvíkinga úr Njarðvík í heimsókn í Síkið og hefst leikurinn kl. 20:15 – er þá væntanlega hugmyndin að sýna hann í beinni á Stöð2Sport. Nú er bara að mæta á leiki og hvetja Stólana til sigur – hvar og hvenær sem færi gefst. Áfram Tindastóll!
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.