Donni ánægður með frumraun þeirra spænsku
„Ég er gríðarlega ánægður með leikinn i heild sinni. Þetta var frábær frammistaða bæði varnar - og sóknarlega. Geggjað að skora frábær fjögur mörk og hefðum getað skorað aðeins fleiri,“ sagði markagráðugur Donni þjálfari þegar Feykir hafði samband við hann að loknum leik Tindastóls og ÍBV í Bestu deild kvenna í gær. Leikurinn endaði með 4-1 sigri Stólastúlkna og færði liðið ofar í töfluna.
Donni frumsýndi tvo nýja leikmenn, Spánverjana Beatriz og Mörtu, og bauð stuðningsmönnum upp á nýtt kerfi, spilaði 5-3-2 í vörn en 3-5-2 í sókn. Feykir spurði hann að því hvað honum hefði fundist um nýju leikmennina og sagði hann þær hafa staðið sig mjög vel. „Þær eiga eftir að vaxa ennþá meira inn í það sem við erum að gera og hjálpa okkur mikið. Þær eru gríðarlega reynslumiklar og hjálpa mikið, bæði með boltann og án hans.“
Hefurðu áhyggjur af því að markamaskínan okkar, Murr, sé ekki að skora? „Ég hef engar áhyggjur af Murielle. Hún gerir svo mikið fyrir liðið bæði varnarlega og sóknarlega. Það skiptir engu máli hver skorar og Murielle eins og aðrar gerir alltaf sitt besta fyrir liðið.“
Donni lét stúkuna vita af þv í leikslokí að þetta hefði verið síðasti leikur Kristu Sólar í bili. „Krista er á leið í skóla erlendis svo já, þetta var hennar síðasti leikur með okkur i sumar. Hún hefur verið mjög vaxandi í allt sumar og við óskum henni alls hins allra besta úti og hlökkum til að fá hana aftur til okkar þegar þar að kemur,“ segir Donni.
Finnst þér liðið hafa styrkst mikið með tilkomu þeirra spænsku? „Liðið hefur styrkst já og hópurinn stækkað um einn leikmann þar sem við misstum Kristu. Þær eru klárlega góð viðbót fyrir okkur í barráttunni,“ sagði Donni að lokum en sneiddi um leið hjá því að svara Feyki hvort við værum með besta liðið á landinu núna.
Fleiri fréttir
-
Tólf í framboði til embættis forseta Íslands
feykir.is Skagafjörður, Austur-Húnavatnssýsla, Vestur-Húnavatnssýsla 03.05.2024 kl. 09.14Tólf verða í framboði til forseta Íslands í kosningunum 1. júní næstkomandi en þá ræðst hver verður sjöundi forseti lýðveldisins. Landskjörstjórn fór yfir öll framboð sem bárust og úrskurðað um gildi þeirra. Tvö framboð voru úrskurðuð ógild en Viktor Traustason kærði úrskurðinn og fékk tækifæri til að lagfæra undirskriftalistann sinn sem hann og gerði. Fyrsti sjónvarpsfundur frambjóðanda í Sjónvarpi allra landsmanna verður í kvöld og hefst kl. 19:40.Meira -
Stórskemmtilegir tónleikar „Heima í stofu“
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.57Heima í stofu - tilraunaverkefnið hans Áskels Heiðars var haldið 30.apríl síðastliðinn og er ekki annað að sjá en að gestir og tónlistarfólk hafi verið í skýjunum með þetta glænýja tónleika fyrirkomulag sem vonandi er þetta komið til að vera.Meira -
Kosning biskups Íslands, síðari umferð 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.13Nú á hádegi 2. maí hófst kosning biskups Íslands og stendur hún til kl. 12.00 á hádegi 7. maí 2024.Meira -
Rúmlega 200 manns hlupu fyrir Einstök börn á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 11.45Rúmlega 200 manns mættu í blíðskapar veðri í styrktarhlaup fyrir Einstök börn-Stuðningfélag barna með sjaldgæfa sjúkdóma eða heilkenni. Það var hlaupahópurinn 550 Rammvilltar sem hélt hlaupið í annað sinn á Sauðárkróki þann 1. maí síðastliðinn.Meira -
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.