Dramatískur sigur Tindastóls á Akranesi
Í kvöld fór fram leikur ÍA og Tindastóls í Inkasso deild kvenna á Akranesvelli. Leikurinn bauð upp á mörg færi, mörk og rautt spjald. Tindastóll átti gjörsamlega fyrri hálfleikinn en heimastúlkur þann seinni. Þrátt fyrir að ÍA áttu seinni hálfleikinn þá náði Tindastóll að skora tvö mörk og vinna leikinn 2-1.
Í byrjun leiks fékk Tindastóll aukaspyrnu sem Jacqueline tók, boltinn barst til Mur sem skoraði af stuttu færi en markið var dæmt af vegna rangstöðu. Á 34. mínútu komst Mur í gott færi en Aníta Ólafsdóttir markvörður ÍA varði virkilega vel. Mínútu síðar sendi Vigdís Edda góða fyrirgjöf á Jacqueline sem náði ágætis skoti sem fór rétt framhjá. Markalaust í hálfleik.
Skagastúlkur voru miklu grimmari í seinni hálfleik, meðan það var ekkert að frétta hjá Stólunum og ekki lagaðist staða Tindastóls þegar María Dögg fékk að líta rauða spjaldið á 58. mínútu eftir að hafa tekið einn leikmann ÍA niður og sparkað í hana í kjölfarið. Skagastúlkur voru þá einum manni fleiri seinasta hálftímann og uppskáru mark á 82. mínútu þegar Erla Karitas Jóhannesdóttir lagði boltann inn eftir tvær góðar markvörslur frá Lauren. Allt virtist stefna í ósigur Tindastóls en á 89. mínútu fékk Tindastóll hornspyrnu sem Jacqueline tók boltinn barst á Mur sem skoraði af stuttu færi. Það stefndi allt í jafntefli en á síðustu sekúndunni kom sigurmark Tindastóls þegar Mur skallaði boltann í netið eftir hornspyrnu frá Jacqueline sama uppskrift og í fyrsta markinu og lokatölur 2-1 fyrir Tindastól.
Maður leiksins MURIELLE TIERNAN frábær leikmaður.
Tindastóll heldur því þriðja sætinu með 18 stig og er aðeins þrem stigum á eftir Þrótti R. Næsti leikur hjá Tindastól er á móti Haukum og verður leikurinn spilaður á Sauðárkróksvelli, föstudaginn 26.júlí klukkan 19:15.
/EÍG
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.