Fjórar Stólastúlkur í liði ársins í Lengjudeildinni
Nú á laugardaginn kynnti Fótbolti.net valið á liði ársins í Lengjudeild kvenna en það voru þjálfarar og fyrirliðar liðanna í deildinni sem völdu úrvalslið tímabilsins og kom ekki á óvart að liðskonur í Tindastóli voru áberandi. Fjórar þeirra, Laufey Harpa, Bryndís Rut, Mur og Jackie, voru í liði ársins, Amber og María Dögg komust á bekkinn og síðan urðu þjálfarar Tindastóls,Guðni Þór Einarsson og Jón Stefán Jónsson, hlutskarpastir í vali á þjálfurum ársins.
Murielle Tiernan var valin leikmaður ársins en hún gerði 25 mörk í sumar og hefur gert 77 mörk með liði Tindastóls í 53 leikjum tímabilin 2018, 2019 og 2020. Í frétta Fótbolta.nets kemur fram að öll tímabilin sem Mur hefur spilað með liði Tindastóls hún verið markahæst í sinni deild og fengið öll möguleg atkvæði í lið ársins og sem leikmaður ársins. Þrjú ár í röð! Það verður spennandi að fylgjast með henni í Pepsi Max deildinni næsta sumar.
Vegna valsins á þjálfurum ársins segir: „Þeir Guðni Þór og Jón Stefán voru að ljúka sínu þriðja tímabili sem þjálfarar Tindastóls og tókst að stýra liðinu upp um tvær deildir á þeim tíma. Á fyrsta tímabili sínu með liðið vann Tindastóll 2. deild og í fyrra gerði liðið harða atlögu að því að komast upp um deild. Í ár náðist svo sögulegur árangur en Tindastóll sigraði Lengjudeildina sannfærandi og mun því leika í efstu deild að ári, í fyrsta skipti í sögu félagsins.“
Annars var lið ársins 2020, sem spilar leikkerfið 4-3-3, á þessa leið:
Chante Sherese Sandiford - Haukar
Laufey Harpa Halldórsdóttir - Tindastóll
Celine Rumpf - Keflavík
Bryndís Rut Haraldsdóttir - Tindastóll
Mikaela Nótt Pétursdóttir - Haukar
Jacqueline Altschuld - Tindastóll
Natasha Anasi - Keflavík
Sæunn Björnsdóttir - Haukar
Murielle Tiernan - Tindastóll
Paula Isabelle Germino Watnick - Keflavík
Vienna Behnke - Haukar
Varamenn:
Amber Kristen Michel - Tindastóll
María Dögg Jóhannsdóttir - Tindastóll
Sunna Líf Þorbjörnsdóttir - Haukar
Taylor Lynne Bennett - Afturelding
Sesselja Líf Valgeirsdóttir - Afturelding
Nadía Atladóttir - Víkingur
Þórhildur Þórhallsdóttir - Augnablik
Ein Stólastúlka til viðbótar fékk atkvæði í valinu en það var sóknarleikmaðurinn Hugrún Pálsdóttir.
Feykir óskar stúlkunum og þjálfurunum til hamingju með heiðurinn.
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.