Flengdir í fýluferð til Fjarðabyggðar
Tindastólsmenn héldu austur á Reyðarfjörð um helgina þar sem þeir mættu liði Leiknis frá Fáskrúðsfirði. Leikið var í Fjarðabyggðarhöllinni og var um gríðarlega mikilvægan leik að ræða fyrir bæði lið í fallbaráttu 2. deildar. Ljóst var fyrir leikinn að sökum fjölda leikbanna og meiðsla mátti ekki mikið út af bregða hjá okkar mönnum. Því miður fór allt á versta veg og uppskeran flenging í boði Fáskrúðsfirðinga. Lokatölur 8-0.
Í gær voru Jón Gísli, Arnar Skúli, Jónas Óla Óla og Arnar Ólafs í banni ásamt Santiago markmanni auk þess sem Hólmar Skúla var meiddur. Undir þessum kringumstæðum féll það í hlut varamarkmannsins unga, Atla Dags, að verja mark Tindastóls og var pabbi hans, Stefán Vagn, varamarkvörður að þessu sinni.
Ljóst var að Stólarnir þyrftu að verja mark sitt vel og vera vel skipulagðir líkt og í leiknum gegn Vestra í umferðinni á undan. Það gekk ekki eftir því Leiknismenn komust yfir strax á 12. mínútu með marki frá Povilas Krasnovskis. Á 44. mínútu bætti Arkadiusz Jan Grzelak við öðru marki og síðan fengu Stólarnir framan í sig kalda vatnsgusu þegar Darius Jankauskas kom heimamönnum í 3-0 á annarri mínútu uppbótartíma fyrri hálfleiks og gerði þá nánast út um leikinn.
Dagur Ingi Valsson gerði tvö mörk á fyrstu tveimur mínútum síðari hálfleiks og hjólin farin undan Stólarútunni. Dagur fullkomnaði þrennuna á 66. mínútu og á lokakafla leiksins bættu Manuel Sanchez Galiana og Guðmundur Arnar Hjálmarsson við sitt hvoru markinu.
Er með alvöru íþróttamenn í höndunum
Á sama tíma og Stólarnir voru grátt leiknir fyrir austan gerði lið Hattar frá Egilsstöðum jafntefli við Kára á Skaganum. Höttur var 0-2 yfir í hálfleik en Kári jafnaði en þetta eina stig dugði til að koma Hetti upp fyrir Stólana í stigatöflunni, með sama stigafjölda en talsvert hagstæðari markatölu.
Feykir hafði samband við Bjarka Má Árnason, spilandi þjálfara Tindastóls, og spurði hanni út í Leiknis-leikinn og framhaldið: „Í leiknum [...] fór flest úrskeiðis sem gat farið úrskeiðis og var þetta mjög lélegur leikur af okkar hálfu. En þetta eru bara þrjú töpuð stig og ætlum við ekki að dvelja lengur við þennan leik heldur horfa fram á veginn og bæta okkur og læra af þessum leik. Framundan eru þrír hörkuleikir þar sem við þurfum að berjast fyrir lífi okkar í deildinni. Þar sem ég veit að ég er með alvöru íþróttamenn í höndunum þá munu strákarnir sýna sitt rétta andlit í næsta leik gegn Fjarðabyggð á laugardaginn kemur,“ sagði Bjarki.
Þrjár umferðir eru eftir í 2. deildinni en næstkomandi laugardag kemur Fjarðabyggð í heimsókn á Krókinn. Síðan eiga Stólarnir leik á Seyðisfirði við botnlið Hugins og loks koma Völsungar í heimsókn í síðustu umferð. Það er langt frá því að öll von sé úti en ljóst að Tindastólsmenn þurfa að halda vel á spilunum til að halda sæti sínu í deildinni.
Áfram Tindastóll!
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.