Góður dagur er nýja lyftan á AVIS skíðasvæðinu í Tindastól var vígð
Nýja lyftan á skíðasvæði AVIS í Tindastól var formlega tekin í notkun í gær í upphafi afmælishátíðar svæðisins en fagnað er þessa vikuna að 20 ár eru síðan það var tekið í notkun. Auk Sigurðar Bjarna Rafnssonar, formanns deildarinnar, hélt Sigfús Ingi Sigfússon, sveitarstjóri Svf. Skagafjarðar, tölu og séra Sigríður Gunnarsdóttir blessaði svæðið.
„Nýja lyftan var opnuð formlega og frítt í fjallið, mjög góð aðsókn og veðurguðir léku við okkur. Geggjað veður og gott færi og það var ekki annað að sjá en allir væru hamingjusamir með nýju lyftuna,“ segir Sigurður Bjarni, ánægður með gærdaginn. Með tilkomu nýju lyftunnar aukast skíðamöguleikar gríðarlega og jafnvel talið að skíðasvæðið fjórfaldist að stærð. Opnun lyftunnar var upphafið á mikilli skíðaviku í fjallinu sem endar með gönguskíðamóti um helgina.
Viðtal við Viggó Jónsson, staðarhaldara skíðasvæðisins, verður í næsta Feyki en hann er að klára sína síðustu viku í starfi framkvæmdastjóra skíðasvæðisins.
Hér fyrir neðan má sjá myndbrot úr Stónum í gær sem Sigfús Ingi Sigfússon tók í gær.
Það er ekkert smá flott skíðasvæðið sem við Skagfirðingar og nágrannar búum að í Tindastóli. Til hamingju með 20 ára afmælið Skíðasvæði Tindastóls!
Posted by Sigfús Ingi Sigfússon on Sunnudagur, 2. febrúar 2020
Það er ekkert smá flott skíðasvæðið sem við Skagfirðingar og nágrannar búum að í Tindastóli. Til hamingju með 20 ára afmælið Skíðasvæði Tindastóls!
Posted by Sigfús Ingi Sigfússon on Sunnudagur, 2. febrúar 2020
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.