Ismael með tvö á Grenivík og eitt stig til Húnvetninga
Lið Kormáks/Hvatar færðist risastóru hænuskrefi nær 2. deildinni í dag þegar enn eitt markið í uppbótartíma færði liðinu eitt stig á erfiðum útivelli á Grenivík. Ismael Moussa gerði bæði mörk liðsins í dag og er nú orðinn markahæstur í 3. deild með 17 mörk og heldur betur búinn að vera drjúgur í sumar. Lokatölur á Grenivík 2-2 eftir að staðan í hálfleik var 2-1 fyrir Magna.
Nú er ein umferð eftir óspiluð og eiga Húnvetningar heimaleik gegn Augnablikum nk. laugardag. Þeir eru með þriggja stiga forskot á Árbæ sem er eina liðið sem á möguleika á að ná þeim að stigum. Kormákur/Hvöt er með 19 mörk í plús en lið Árbæjar 15. Árbæingar sækja topplið Reynis heim í Sandgerði en Sandgerðingar hafa þegar tryggt sér sigurinn í deildinni. Það er því ekki öll spenna úti ennþá og útlit fyrir spennuþrungna stórveislu á Blönduósi um næstu helgi.
Aadnigardinn var enn í marki Húnvetninga í dag og hann kom engum vörnum við þegar Halldór Einarsson náði að skalla góða sendingu í markið eftir 18 mínútna leik. Tveimur mínútum síðar jafnaði Isamel fyrir gestina, fékk góða sendingu inn á vítateigslínu, fór framhjá markverðinum og fíflaði síðan nokkra Grenvíkinga áður en hann lyfti boltanum í markið. Maður með sjálfstraust. Á 31. mínútu kom Steinar Logi Þórðarson Magna á ný yfir með góðum skalla á fjær eftir hornspyrnu.
Það fækkaði í liði heimamanna á 89. mínútu þegar Tómas Arnarson fékk annað gula spjaldið sitt og tveimur mínútum síðar slapp Ismael inn fyrir vörn Magna og slúttaði af fádæma öryggi. Mínútu síðar fækkaði enn í liði heimamanna þegar Kristinn Rósbergsson skellti sér í galna tæklingu og virtist nú ekki gera miklar athugasemdir við að hafa fengið að líta sitt annað gula spjald. Það sem eftir lifði reyndu gestirnir að næla í sigurmark tveimur fleiri en það hafðist ekki.
Nú er bara að gíra sig upp í leik gegn Kópavogspiltum. Það má reikna með fjölmenni á Blönduósvelli. Koma svo – áfram Kormákur/Hvöt!
Fleiri fréttir
-
Undirbúningur að uppsetningu á nýstárleg gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.