„Mér líður frábærlega“
...sagði Donni þjálfari þegar Feykir spurði hann hvernig honum liði eftir að Stólastúlkurnar hans báru loks sigurorð af Þrótti Reykjavík. Ef Feyki förlast ekki þá er þetta fyrsti sigur Tindastólsliðsins á Þrótti en liðin hafa mæst nokkuð oft síðustu árin og aldrei hafa Stólastúlkur sótt sigur í greipar þeirra röndóttu. Óvæntur 0-2 sigur á útivelli í kvöld gæti reynst ómetanlegur í baráttunni um að halda sæti í Bestu deildinni en lið Tindastóls er í sjöunda sæti deildarinnar með 18 stig þegar tvær umferðir eru eftir af deildarkeppninni.
Hvernig líður þjálfaranum að leik loknum? „Mér líður frábærlega. Ég er svo gríðarlega stoltur af stelpunum fyrir þeirra framgöngu á vellinum i kvöld.“
Hvað skóp sigurinn í kvöld? „Vinnuframlagið, samheldnin, barráttan og svo klár gæði skópu sigurinn. Við vorum vel undirbúin fyrir hvernig þær spila en svo þurfa stelpurnar að vinna alla vinnuna og þær gerðu það svo sannarlega.“
Hvað varstu ánægðastur með í leiknum? „Ég er ánægðastur með vinnuframlagið hjá liðinu. Varnarlega gekk flest upp, sérstaklega í seinni hálfleik þegar við lokuðum aðeins öðruvísi á þær. Markvarslan auðvitað stórkostleg og svo hárbeittur og kröftugur sóknarleikur.“
Hvernig er stemningin í hópnum eftir sigurinn? „Stemmningin í hópnum er stórkostleg. Við erum buin að spila mjög vel undanfarið og ætlum okkur að skrifa söguna áfram!“
Nánar verður fjallað um leikinn í fyrramálið.
Fleiri fréttir
-
Sýning á ljósmyndum Stebba Ped á Sæluviku
feykir.is Skagafjörður, Listir og menning 29.04.2024 kl. 08.22Við setningu Sæluviku í gær var opnuð sýning á myndum Stefáns B. Pedersen í Safnahúsi Skagfirðinga og verður hún opin á meðan á Sæluviku stendur. Í tilkynningu á vef Héraðsskjalasafns Skagfirðinga segir. „Árið 2018 afhenti Stebbi Ped, eins og hann var ávallt kallaður, ljósmyndasafn sitt til Héraðsskjalasafns Skagfirðinga. Hér er um stórt safn að ræða enda afrakstur ævistarfs Stebba sem stofnaði ljósmyndastofu á Sauðárkróki árið 1958.“Meira -
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira -
„Þau eru ein af ástæðum þess að það er gott að búa í Skagafirði“
feykir.is Skagafjörður, Listir og menning, Mannlíf 28.04.2024 kl. 20.02Við setningu Sæluvikunnar í dag voru afhent Samfélagsverðlaun Skagafjarðar 2024 en verðlaunin eru þakklætisvottur samfélagsins til einstaklinga, fyrirtækja stofnana eða félagasamtaka sem þykja hafa staðið sig vel í eða efla skagfirskt samfélag. Að þessu sinni voru það hjónin Ragnheiður Ásta Jóhannsdóttir og Árni Björn Björnsson, oft kenndur við Hard Wok Café, sem hlutu viðurkenninguna.Meira -
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira -
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.