Pat segir þróunina í leik Stólastúlkna vera jákvæða
Veturinn hefur verið erfiður hjá liði Tindastóls í 1. deild kvenna í körfunni og aðeins tveir sigurleikir í 16 leikjum. Feykir sendi Pat Ryan, þjálfara liðsins, nokkrar spurningar „Við erum lið með fullt af ungum leikmönnum sem þurfa tíma til að þroskast. Stelpurnar vinna hörðum höndum á hverjum degi,“ sagði Pat þegar Feykir byrjaði á að spyrja um hvað væri það helsta sem upp á vantar hjá liðinu.
Í desember var ákveðið að skipta um bandarískan leikmann liðsins en þá var Chloe Wanink send heim en í hennar stað kom Jayla Johnson. Chloe var góð skytta og líkt og Jayla fór hún fyrir liðinu í stigaskori. Jayla skorar hins vegar flest öll stig sín innan teigs og í námunda við körfu andstæðinganna. Tindastólsliðinu hefur ekki tekist að sigra í þeim þremur leikjum sem spilaðir hafa verið eftir þessa uppstokkun en liðið verið þó gefið andstæðingunum harðari keppni.
Telurðu að liðið sé að spila betur nú eftir að Jayla kom í stað Chloe? „Liðið hefur verið mjög samkeppnishæft síðustu þrjá leiki síðan Jayla kom.“
Í síðustu leikjum hefur lið Tindastóls m.a. spilað við sterk lið Stjörnunnar og KR og verið vel inni í leikjunum. Lítil ógnun fyrir utan 3ja stiga línuna gerir liðinu erfitt fyrir. Hvað er til ráða? „Við höfum átt möguleika á að vinna þessa leiki svo þróunin í leik okkar hefur verið jákvæð. Þriggja stiga nýtingin er eitthvað sem við verðum að bæta.“
Hvernig fer svona mótlæti með liðsandann og þjálfarann. Ertu ánægður með framlag stúlknanna? „Stelpurnar hafa jákvætt hugarfar og anda og leggja hart að sér á hverjum degi og það gerir það gefandi að vera þjálfari,“ segir Pat að lokum.
Næsti leikur Stólastúlkna er gegn liði Þórs á Akureyri næstkomandi miðvikudag, 8. febrúar. Lið Þórs er í toppbaráttunni og má ekki við því að misstíga sig. Þetta verður þriðja viðureign liðanna í vetur en spilaðar eru þrjár umferðir í 1. deild kvenna. Akureyringar hafa unnið báða leiki liðanna hingað til af öryggi.
Fleiri fréttir
-
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.