Stólarnir sitja sem fastast í þeirri fjórðu
Nú þegar ein umferð er eftir af keppni í 4. deildinni í knattspyrnu er ljóst að fjórða sætið verður hlutskipti Tindastóls en draumurinn um sæti í 3. deild fékk frekar nöturlegan endi þegar Kópavogspiltar í KFK gerðu sex mörk á Króknum í dag. Leikurinn var reyndar ansi fjörugur í sunnanrokinu en heimamenn voru helst til of gjafmildir í varnarleiknum og lokatölur 3-6.
Bókstaflega allt þurfti að falla með Stólunum í síðustu tveimur umferðunum til að þeirr ættu möguleika á sæti í 3. deild en þeir hófu leik á því að skjóta sig í fótinn. Hólmar Daði fékk að líta rauða spjaldið strax eftir níu mínútur. Engu að síður komust heimamenn yfir með marki frá David Jimenez eftir átján mínútna leik. Andri Jónasson jafnaði fyrir KFK þremur mínútum síðar og þremur mínútum eftir það gerði Anton Örth sjálfsmark. Alvaro Ronda gerði þriðja mark gestanna á 36. mínútu og staðan í hálfleik 1-3.
Hagur heimamanna vænkaðist í síðari hálfleik þegar Hlynur Bjarnason fékk að líta rauða spjaldið fyrir háskalega tæklingu en fimm mínútum síðar hafði Andri bætt við marki fyrir KFK með skoti úr miðjuhringnum, yfir Alejandro í marki Tindastóls sem gerði hvað hann gat til að bjarga málum en skotið sleikti þverslána á leiðinni inn. Á 65. mínútu komst Addi Ólafs inn fyrir vörn KFK og afgreiddi boltann snyrtilega í markið en Stefán Magnús jók muninn að nýju í þrjú mörk, 2-5, á 82. mínútu eftir slappan varnarleik Stólanna. Markamaskínan Jóhann Daði lagaði stöðun tveimur mínútum síðar en Anton Sigurðarson átti lokahöggið fyrir gestana með marki á 95. mínútu.
Svekkelsi fyrir Stólana en leikmenn KFK voru alsælir, enda náðu þeir á ný að príla upp í annað sæti deildarinnar og vinna leik sem þeir hafa eflaust haft áhyggjur af fyrirfram. Þeir mæta liði Uppsveita í lokaumferðinni en uppsveitamenn verma botnsætið og sæti í 3. deild því nokkuð öruggt hjá KFK. Þeir fylgja því væntanlega liði Vængja Júpíters úr Grafarvogi upp um deild.
Fleiri fréttir
-
Allir í Síkið – styðjum Stólastúlkur alla leið!
feykir.is Skagafjörður, Íþróttir 07.05.2024 kl. 09.25Síðasti meistaraflokks-heimaleikur tímabilsins í körfunni verður í kvöld þegar lið Tindastóls og Aþenu mætast í fjórða skipti í einvígi liðanna um sæti í Subway-deild kvenna í haust. Stólastúlkur verða að krækja í sigur í kvöld til að tryggja sér oddaleik í Breiðholtinu nk. laugardag en Aþena leiðir einvígið 2-1. Það er því um að gera fyrir alla stuðningsmenn Tindastóls að fjölmenna í Síkið, búa til geggjaða stemningu og bæta þannig nokkrum hestöflum við þennan kagga sem liðið okkar er.Meira -
Nýr einstaklingsbúningsklefi í íþróttamiðstöðinni á Hvammstanga
feykir.is Vestur-Húnavatnssýsla 07.05.2024 kl. 09.16Tekinn hefur verið í notkun einstaklingsbúningsklefi í íþróttamiðstöðinni á Hvammstanga og er klefinn staðsettur við hlið gufuklefans. „Aðstaðan hentar þeim fjölbreytta hópi sem vill og þarf að hafa fataskipti í einrúmi,“ segir í tilkynningu á vef Húnaþings vestra.Meira -
Hugvekja í Sauðárkrókskirkju 29. apríl 2024 | Óli Björn Kárason skrifar
feykir.is Skagafjörður, Listir og menning, Mannlíf 06.05.2024 kl. 16.48Kirkjukvöld Kirkjukórs Sauðárkróks er fastur liður í Sæluviku. Þar er eðlilega mikið sungið og vel vandað til. Þá er jafnan fenginn ræðumaður til að brjóta upp söngskemmtunina og oftar en ekki eru sóttir til verksins brottfluttir Skagfirðingar. Og þá er ekki ólíklegt að rifjaðir séu upp sögur frá eldri tímum. Að þessu sinni var það Óli Björn Kárason, þingmaður og blaðamaður, sem kveikt upp minningabál meðal kirkjugesta.Meira -
Hjólað í vinnuna
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 06.05.2024 kl. 15.10Hjólað í vinnuna 2024 fer fram 8. - 28. maí. Skráning er nú þegar hafin og hægt er að skrá sig á hjoladivinnuna.isMeira -
Framkvæmdir hafnar við Flúðabakka á Blönduósi
feykir.is Austur-Húnavatnssýsla 06.05.2024 kl. 10.01Framkvæmdir eru hafnar við byggingu sex íbúða raðhúss við Flúðabakka á Blönduósi. Samkvæmt frétt Húnahornsins er stefnt að því að íbúðirnar verði tilbúnar í haust en þær munu hugsaðar fyrir fólk eldra en 60 ára .Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.