Toppliðið hafði betur gegn vængbrotnum Tindastólsmönnum
Meistaraflokkur karla hjá Tindastóli hélt til Njarðvíkur í gær þar sem spilað var gegn toppliði 2. deildar. Mikið hefur gengið á hjá Stólunum undanfarna daga, skipt um þjálfara og félagið misst þrjá af sínum bestu leikmönnum. Það var því ljóst að ramman reip yrði að draga gegn sterkum Njarðvíkingum og það kom á daginn. Lokatölur 2-0 fyrir Njarðvík.
Heimamenn voru klárlega sterkari aðilinn í leiknum en Stólarnir vörðust vel. Frá því í síðasta leik voru Stephen Warmsley, Kenny Hogg og Neil Slooves farnir frá félaginu og síðan var Konni Sigga Donna í banni og Hólmar Skúla meiddur. Tveir leikmenn höfðu bæst í hópinn; þeir Arnór Daði Gunnarsson (tímabundið úr HK) og Aron Örn Sigurðsson (úr Hamri) sem báðir léku með liðinu síðasta sumar, og náðu Stólarnir því að vera með 14 leikmenn á skýrslu.
Fyrsta mark leiksins gerði Atli Freyr Ottesen Pálsson á 30. mínútu og Andri Fannar Freysson bætti síðan við marki úr víti á 59. mínútu og þar við sat.
Næsti leikur Tindastóls er hér heima á miðvikudag en þá kemur lið Aftureldingar í heimsókn. Fyrir þann leik má vænta þess að Stólarnir hafi náð að styrkja lið sitt enn frekar þó svo að liðið eigi pottþétt eftir að þurfa tíma til að slípast saman.
Fleiri fréttir
-
Eftirlitsmyndavélar senn settar upp á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.09.2025 kl. 14.21Fyrir rúmu ári sagði Feykir frá því að Lögreglan á Norðurlandi vestra hefði sent sveitarfélögum á svæðinu erindi vegna eftirlitsmyndavéla sem embættið vildi setja upp. Fram kom í fréttinni að Norðurland vestra væri eitt fárra lögregluumdæma þar sem slíkar myndavélar væru ekki í notkun. Nú skýrir Morgublaðið frá því að á næstu mánuðum verði teðar öryggismyndavélar settar upp á nokkrum stöðum á svæðinu í því skyni að lögreglan geti fylgst með umferð inn og út af svæðinu.Meira -
Fjölmennum á Sauðárkróksvöll í kvöld!
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 19.09.2025 kl. 11.59Það er ekki laust við að nokkur spenna ríki á Norðurlandi vestra en í kvöld berjast bræður á grænu gerviengi Sauðárkróksvallar þegar lið Tindastóls tekur á móti grönnum sínum úr Húnavatnssýslunni í undanúrslitum Fótboltapunkturnet-bikarsins. Vonir standa til þess að stuðningsmenn liðanna fjölmenni á völlinn og styðji sitt lið fallega.Meira -
Margt um manninn og góð hross í sviðsljósinu
feykir.is Skagafjörður, Mannlíf, Lokað efni 19.09.2025 kl. 11.06Það styttist í Laufskálaréttarhelgina sem sumum þykir vera aðal helgi ársins. Feykir hafði samband við Sigurlínu Erlu Magnúsdóttur hjá Flugu sem stendur fyrir árlegri Laufskálaréttarsýningu í Reiðhöllinni Svaðastöðum á Sauðárkróki föstudaginn fyrir réttarhald en það byrjar venju samkvæmt um klukkan 13 á laugardeginum.Meira -
Körfuboltafjör á Skagaströnd á laugardag
feykir.is Austur-Húnavatnssýsla, Íþróttir 19.09.2025 kl. 09.18Það er ekki bara á Króknum sem verður spilaður körfubolti um helgina hér á Norðurlandi vestra. Í dag og á morgun munu þrjú li,ð sem taka þátt í 1. deild karla í vetur, leiða saman hesta sína og spila þrjá æfingaleiki í íþróttahúsi Skagastrandar. Milli leikja á morgun verður boðið upp á körfuboltafjör fyrir unga iðkendur og auk Skagstrendinga er áhugasömum á Blönduósi og í nágrenni Skagastrandar velkomið að mæta.Meira -
Forvarnaráætlun Norðurlands vestra fær styrk til að efla farsæld barna
feykir.is Skagafjörður, Austur-Húnavatnssýsla, Vestur-Húnavatnssýsla 19.09.2025 kl. 09.15Mennta- og barnamálaráðuneytið hefur veitt styrk til verkefnisins Forvarnaráætlun Norðurlands vestra – FORNOR, sem hluta af aðgerðaáætlun stjórnvalda gegn ofbeldi meðal barna og til að auka farsæld þeirra þetta kemur fram á vef SSNV.Meira
