Tveir skellir Stólastúlkna fyrir sunnan
Kvennalið Tindastóls skottaðist suður um helgina og spilaði tvo leiki í 1. deild kvenna gegn tveimur bestu liðum deildarinnar. Stelpurnar urðu að sætta sig við tvo ósigra, fyrst gegn liði Grindavíkur 94-66 og síðan gegn Fjölni í Grafarvoginum en sá leikur endaði 99-80.
Stelpurnar eru við það að klára langa útileikjahrinu en liðið spilar nú sex leiki í röð á útivelli. Ansi sérkennileg uppröðun leikja en reyndar var heimaleik gegn Fjölni frestað nú nýlega vegna veðurs. Stelpurnar bæta einum útileik í sarpinn þegar þær mæta liði ÍR þann 5. janúar en síðan tekur hver heimaleikurinn við af öðrum.
Marín Lind gerði fyrstu stigin í Grindavík en síðan tóku heimastúlkur völdin og höfðu betur í öllum leikhlutum en staðan í hálfleik var 48-33. Lið Tindastóls átti ágætan þriðja leikhluta en heimastúlkur, sem rétt mörðu lið Tindastóls í Síkinu í haust, reyndust of stór biti að þessu sinni. Tess var stigahæst með 32 stig en næstar henni voru Marín Lind Ágústsdóttir með tíu stig og Eva Rún Dagsdóttir með níu en hún hirti líka átta fráköst. Frákastahæst var Kristín Halla Einarsdóttir með 11 stk. og þar af sex sóknarfráköst. Lokatölur sem fyrr segir 94-66.
Síðari leikur helgarinnar fór fram í Dalhúsi í Grafarvoginum en þar mættu stelpurnar kanalausu liði Fjölnis. Heimastúlkur náðu góðu forskoti strax í fyrsta leikhluta, 30-18, og bættu við það í öðrum leikhluta en staðan í hálfleik var 50-31. Lið Tindastóls beit enn á ný frá sér í þriðja leikhluta og minnkuðu þá muninn í þrettán stig en Fjölnisstúlkur reyndust sterkari á lokakaflanum og sigruðu 99-80. Aðeins fimm stúlkur Tindastóls komust á blað í stigaskorinu og var Tess sem fyrr stigahæst, átti fínan leik með 42 stig og tíu fráköst. Líkt og í leiknum í Grindavík voru það Marín Lind og Eva Rún sem voru drjúgar í stigaskorinu; Marín með 19 stig en Eva með 15. Kristín Halla og Valdís Ósk Óladóttir gerðu síðan tvö stig hvor og þar með er það upptalið.
Stórleikur fer fram í Síkinu á sunnudaginn kl. 16:00 en þá taka Stólastúlkur á móti Dominos-deildar liði Breiðabliks í Geysisbikarnum. Stelpurnar spila síðan þrjá heimaleiki í janúar og vonandi færir heimavöllurinn liðinu góðan kraft.
Fleiri fréttir
-
Rusl plokkað um allan Skagafjörð
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 08.05.2024 kl. 15.35Umhverfisdagur Fisk Seafood var laugardaginn 4. maí sl. og hefur aðsóknin aldrei verið meiri. Fjöldi fólks plokkaði rusl um allan Skagafjörð og var ræst til verks á slaginu tíu.Meira -
Helgi stoltur af öllum stelpunum
feykir.is Skagafjörður, Íþróttir 08.05.2024 kl. 12.11„Ég veit ekki með lukku en það munaði allavega ótrúlega mjóu í síðustu tveimur leikjum að sigurinn hefði verið okkar,“ sagði Helgi þjálfari Margeirsson þegar Feykir spurði hann hvort það hefði bara verið lukkan sem réð úrslitum í viðureign Tindastóls og Aþenu í gærkvöldi. Aþena hafði betur eftir hnífjafnan leik og tryggði sér því sæti í Subway-deildinni, sigraði einvígi liðanna 3-1.Meira -
Skagstrendingar plokka á uppstigningardag
feykir.is Austur-Húnavatnssýsla, Mannlíf 08.05.2024 kl. 11.48Fimmtudaginn 9. maí, á sjálfan uppstigningardag, stendur Sveitarfélagið Skagaströnd fyrir umhverfis- og plokkdegi. Því eru íbúar hvattir til þess að stökkva út í sumarið og plokka rusl á opnum svæðum í sveitarfélaginu og fegra sitt helsta nærumhverfi.Meira -
Draumur Stólastúlkna varð ekki að veruleika þetta vorið
feykir.is Skagafjörður, Íþróttir 08.05.2024 kl. 09.43Draumur Stólastúlkna um sæti í Subway-deildinni í haust rættist ekki þetta vorið en mikið óskaplega voru þessir síðustu þrír leikir gegn liði Aþenu spennandi. Fjórði leikur liðanna fór fram í Síkinu í gærkvöldi og lið Tindastóls varð að næla í sigur til að tryggja sér oddaleik. Leikurinn var hnífjafn – þá erum við að tala um að hann var HNÍFJAFN allan tímann – og staðan til dæmis 72-72 þegar tvær mínútur voru til leiksloka. Eins og í þriðja leiknum reyndist Sianni Martin það sem skildi á milli á lokasekúndunum og lið Aþenu gerði fimm síðustu stig leiksins. Lokatölur 72-77 og Aþena vann þar með einvígið 3-1.Meira -
Leikjum ýmist frestað eða þeir færðir til
feykir.is Skagafjörður, Íþróttir 08.05.2024 kl. 09.04Sauðárkróksvöllur er í lamasessi líkt og flestum ætti að vera kunnugt. Meistaraflokkur karla hjá Tindastóli átti að hefja keppni í 4. deild í kvöld og spila heima gegn liði Skallagríms. Leiknum hefur hins vegar verið frestað og færður aftur í júníbyrjun. Þá átti Bestu deildar lið Tindastóls að spila við Fylki á Króknum á morgun, fimmtudag, en sá leikur verður spilaður á Akureyri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.