Öskudagur í öllum regnbogans litum
Í dag var einn besti dagur ársins, öskudagurinn síkáti. Fjölmargir krakkar þustu á lappir í morgunsárið og skelltu sér í tilheyrandi öskudagsgervi, þó metnaðurinn hafi verið mismikill eins og gengur. Eftir nokkru var að slægjast því fyrirtæki, stofnanir og verslanir um víðan völl buðu börnunun eitthvað spennandi í staðinn fyrir tónlistarflutning.
Óhætt er að fullyrða að ágætis krakkastreymi hafi verið í Nýprent á Króknum, höfuðstöðvar Feykis, enda veðrið hið besta fyrir nammirölt, stillt en pínu kalt. Eins og jafnan voru margir hópar sem spreyttu sig á Gamla Nóa og Alúettu, sömuleiðis var Krummi svaf í klettagjá fluttur að minnsta kosti fjórum sinnum með tilheyrandi loka-hummi. Þetta eru nú sennilega ekki vinsælustu lögin hjá mörgum verslunarmanninum en þó sumir syngi þetta leikandi létt og án mikillar æfingar þá eru sumir að tefla á tæpasta vað með því að opinbera söng sinni fyrir ókunnugum.
Þó ekki sé nú ætlunin að vera með leiðindi þá þótti lagavalið í heildina nokkuð einhæft. Þó voru nokkrir flytjendur sem glöddu tóneyru. Piltar úr Varmahlíð komu vel æfðir með Mýrdalssand þeirra GCD-manna og léku á hljómborð og ukulele og sungu raddað. Höfðu meira að segja útvegað sér peysur merktar G, C og D en urðu fyrir smá áfalli áður en lagt var í hann í morgun því G forfallaðist. C og D létu það ekki stoppa sig, enda var það bara bassaleikarinn sem datt úr leik... ;o)
Önnur lög sem má nefna til sögunnar er Nammið mun sigra, Gamli gítarinn, örstutt útgáfa af Glaðasti hundur í heimi með smá Queen ívafi, Lítill fugl, áramótaskaupslagið síðasta og skólasöngur Árskóla. Bjarnastaðabeljurnar voru alveg látnar í friði að þessu sinni. Meðal þeirra sem heimsóttu Feyki voru Charlie Chaplin, ótal ofurhetjur, Lína langsokkur, Donald Trump, Cerial Killer, Tindastólskempur, einhyrningar, egg og beikon, Harry Potterar og fleiri flottir karakterar.
Starfsfólk Nýprents og Feykis þakkar skemmtunina og er þegar farið að hlakka til næsta öskudags. Hér að neðan má sjá nokkrar myndir frá þessum fína degi.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.