Tvö nýsköpunarverkefni deila fyrstu verðlaunum
Lokahóf Ræsingar í Skagafirði, samstarfsverkefni Nýsköpunarmiðstöðvar Íslands, Svf. Skagafjarðar og Kaupfélags Skagfirðinga, fór fram í Verinu á Sauðárkróki í dag. Þá fór fram kynning á þeim þremur nýsköpunarverkefnum sem sem hafa verið í þróun frá því í september í fyrra. Spennan magnaðist þegar kom að því kynna hvaða verkefni yrði verðlaunað fyrir bestu viðskiptaáætlunina en vegleg peningaverðlaun voru í boði.
Verkefnin þrjú, sem valin voru til frekari þróunar af 24 umsóknum bárust, voru verkefni Harðar Sveinssonar um lífræna byggingareinangrun, Hildar Þóru Magnúsdóttur um þurrkun á skjaldkirtli úr sláturdýrum og Regins Grímssonar sem vill byggja einingarhús úr trefjaplasti.
Það var Sigurður Steingrímsson verkefnisstjóri hjá Nýsköpunarmiðstöð Íslands sem kynnti niðurstöðu dómnefndar, sem var að hans sögn vandasamt val, og að verkefnin hafi öll verið metnaðarfull og greinilegt að mikil vinna hafi verið lögð í hvert og eitt þeirra.
Sigurður greindi frá því að þeir fjármunir, sem Nýsköpunarmiðstöð Íslands, Svf. Skagafjörður og KS hafi lagt fram til verkefnisins Ræsingar í Skagafirði, voru nýttir í; annars vegar að styðja við verkefnin á meðan þau voru í þróun og hins vegar verðlauna fé sem hljóðar upp á eina milljón króna. Þá var ákveðið að auka við verðlaunaféð.
Niðurstaða dómnefndar varð sú að tvö af verkefnunum skipta með sér fyrstu verðlaunum, þ.e. verkefni Hildar Þóru Magnúsdóttur og Regins Grímssonar. Ákveðið var að veita verkefni Harðar Sveinssonar sérstök hvatningarverðlaun upp á 200 þúsund krónur. Hlutu því öll verkefnin verðlaun í Verinu í dag og voru um leið eindregið hvött til frekari framþróunar.
Nánar verður fjallað um Ræsingu í Skagafirði í næsta Feyki.
Fleiri fréttir
-
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.