Allt að verða klárt fyrir atvinnulífssýninguna um helgina
Atvinnulífssýningin Skagafjörður : Heimili Norðursins opnar tíu í fyrramálið í íþróttahúsinu á Sauðárkróki en setningarathöfnin hefst kl. 11. Sýningin verður opin á laugardag frá kl. 10-17 og sunnudag frá kl. 10-16 og aðgangur er ókeypis. Íslandsmeistarar Tindastóls í körfubolta mæta að sjálfsögðu á svæðið og full ástæða til að mæta og fagna liðinu okkar en þeir eru væntanlegir á svið kl. 16 á laugardag.
Skagfirðingar og nærsveitamenn eru hvattir til að heimsækja sýninguna en hátt í 60 aðilar munu kynna starfsemi sína og rabba við gesti. Þá verður að sjálfsögðu hægt að nálgast veitingar og ýmis dagskrá verður á sviði á meðan á sýningunni stendur.
DAGSKRÁ Á SVIÐI Á MEÐAN Á SÝNINGU STENDUR
Laugardagur 20. maí
Kl. 11:00
Setning atvinnulífssýningar
Sveitarstjóri Skagafjarðar, Sigfús Ingi Sigfússon setur sýninguna
Tónlist frá Tónlistarskóla Skagafjarðar
Undirritun um samkomulag um byggingu menningarhúss í Skagafirði – Menningar- og viðskiptaráðherra, Lilja Alfreðsdóttir
Sigvaldi Helgi Gunnarsson tónlistarmaður
Kl. 13:00
Farsæld barna
Fræðslusvið Skagafjarðar
Kl. 15:00
Solla stirða og Halla hrekkjusvín
Kl. 16:00
Íslandsmeistararnir okkar mæta á svið
– VIÐ ERUM TINDASTÓLL!
Sunnudagur 21. maí
Kl. 12:00
Íslenski fjárhundurinn, þjóðhundur Íslendinga
Íslenski fjárhundurinn Sómi sýnir kúnstir sínar
Kl. 15:00
Uppboð á málverki til styrktar Iðju dagþjónustu
Gestum sýningarinnar gefst tækifæri til þess að mála saman málverk sem boðið verður upp til styrktar Iðju dagþjónustu.
Á meðan á sýningu stendur gefst sýnendum tækifæri til þess að koma fram á sviði með hverskonar uppákomur. Það má því búast við mun fleiri uppákomum á sviði. Til dæmis munu Samtök sveitarfélaga á Norðurlandi vestra kynna frumkvöðla sem hlotið hafa styrk úr Uppbyggingarsjóði Norðurlands vestra.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.