Aragrúi hugmynda fæddist á hugmyndafundum vegna uppbyggingar í gamla bænum á Blönduósi
Síðastliðið miðvikudagskvöld var haldinn í Reykjavík hugmyndafundur vegna deiliskipulags í gamla bænum á Blönduósi. Sambærilegur fundur fór fram í Félagsheimilinu á Blönduósi á þriðjudagskvöld. Um 110 manns sóttu fundina, um 55-60 á Blönduósi og um 50 í Reykjavík.
Fundirnir hófust á því að Pétur Arason, sveitarstjóri Húnabyggðar, kynnti sjónarmið sveitarfélagsins gagnvart verkefninu og því næst kynnti Bjarni Gaukur Sigurðsson hugmyndir og áform InfoCapital um uppbyggingu í gamlabænum en félagið hefur keypt nokkrar eignir á svæðinu.
Í frétt á Húnahorninu segir að hugarflugsvinna fundargesta um möguleika svæðisins hafi farið fram að loknum kynningum. Fór vinnan þannig fram að hver og einn fundargestur skrifaði hugmyndir sínar á gula miða og að því loknu voru þær ræddar í hópum. Hver hópur setti svo tillögurnar saman á eitt stórt blað og kynnti fyrir öðrum hópum og fundargestum. Margir tugir ef ekki hundruð tillagna komu fram á fundunum.
Ítarlega umfjöllun um fundina má finna á Húnahorninu en þar kemur m.a. fram að nýbyggingar séu ekki velkomnar í gamla bæjarhlutanum á Blönduósi og að langfæst hótelherberg séu á Norðurlandi vestra. Sjá frétt á Húna >
Þess má geta að Bjarni Gaukur er í viðtali í JólaFeyki sem kemur út nú í vikunni og verður dreift í öll hús á Norðurlandi vestra.
Fleiri fréttir
-
Stórskemmtilegir tónleikar „Heima í stofu“
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.57Heima í stofu - tilraunaverkefnið hans Áskels Heiðars var haldið 30.apríl síðastliðinn og er ekki annað að sjá en að gestir og tónlistarfólk hafi verið í skýjunum með þetta glænýja tónleika fyrirkomulag sem vonandi er þetta komið til að vera.Meira -
Kosning biskups Íslands, síðari umferð 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.13Nú á hádegi 2. maí hófst kosning biskups Íslands og stendur hún til kl. 12.00 á hádegi 7. maí 2024.Meira -
Rúmlega 200 manns hlupu fyrir Einstök börn á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 11.45Rúmlega 200 manns mættu í blíðskapar veðri í styrktarhlaup fyrir Einstök börn-Stuðningfélag barna með sjaldgæfa sjúkdóma eða heilkenni. Það var hlaupahópurinn 550 Rammvilltar sem hélt hlaupið í annað sinn á Sauðárkróki þann 1. maí síðastliðinn.Meira -
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira -
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.