Feðgin úr Fljótunum snillingar í hrútaþukli
Íslandsmótið í hrútaþukli var haldið á sauðfjársetrinu á Ströndum nú á dögunum. Það vakti athygli að feðginin Fanney Gunnarsdóttir og Gunnar Steingrímsson frá Stóra-Holti í Fljótum voru bæði á verðlaunapalli í keppninni.
Fanney Gunnarsdóttir er fædd á því herrans ári 1993 og er dóttir hjónanna Gunnars Steingrímssonar og Bergþóru Pétursdóttir og alin upp á Stóra-Holti í Fljótum. Hún er móðir tveggja barna, starfandi snyrtifræðingur og nuddari en er líka að leggja lokahönd á nám í líftækni við Háskólann á Akureyri, svo það er óhætt að segja að Fanney hafi í mörg horn að líta. Gunnar pabbi hennar brá búi fyrir tveimur árum en eins og maðurinn sagði; einu sinni sauðfjárbóndi, alltaf sauðfjárbóndi.
Gunnar var sitjandi Íslandsmeistari í hrútaþukli og skrapp vestur til að skila inn verðlaununum og gera tilraun til að verja titilinn en hafnaði í öðru sæti í flokki vanra og lét í lægra haldi fyrir Jóni Stefánssyni frá Broddnesi. Upphafleg ástæða Fanneyjar fyrir ferðinni var að veita pabba sínum félagsskap og vera ökuþór en þegar á staðinn var komið ákvað hún að taka þátt í flokki óvanra, bara svona „uppá grínið“ En öllu gríni fylgir einhver alvara og gerði Fanney sér lítið fyrir og sigraði flokk óvanra. Fanney segir að það sem hún kunni um hvað þyki gott og flott í sauðfjárrækt hafi hún lært af pabba sínum.
En hvernig fer svona keppni fram? „Í keppninni er notast við 4 hrúta sem stigaðir hafa verið af ráðunautum. Keppnin fer svo þannig fram að hver keppandi fær sinn tíma til að skoða hrútana í bak og fyrir. Keppandinn skráir svo hrútana í gæðaröð ásamt því að rökstyðja hvers vegna eftirfarandi hrútur fékk það sæti. Í flokki óvanra nægir að koma með stuttann texta til rökstuðnings en þeir vönu nota hið hefðbundna stigakerfi sem þekkist í hrútadómum. Til þess svo að sigra þarf maður að reyna að komast sem næst dómum ráðunautana.“
Fanney hefur aldrei lagt í að taka þátt í keppni í hrútaþukli og því liggur beinast við að spyrja hana af hverju tekur maður þátt í hrútaþukli.„ Já, það er góð spurning. Ætli það sé ekki fyrst og fremst bara til að hafa gaman.“
Feykir óskar þeim feðginum að sjálfsögðu innilega til hamingju.
Fleiri fréttir
-
Halla Hrund á Norðurlandi vestra í dag
feykir.is Skagafjörður, Austur-Húnavatnssýsla, Vestur-Húnavatnssýsla 29.04.2024 kl. 11.41Forsetaframbjóðandinn Halla Hrund Logadóttir verður á ferð og flugi um Norðurland í vikunni og býður heimamönnum til opinna funda og samtals um embætti forseta Íslands. Tveir fundir verða í Húnavatnssýslum, í Víðigerði og á Blönduósi í dag og þá verður hún á Sauðárkróki í kvöld.Meira -
Sýning á ljósmyndum Stebba Ped á Sæluviku
feykir.is Skagafjörður, Listir og menning 29.04.2024 kl. 08.22Við setningu Sæluviku í gær var opnuð sýning á myndum Stefáns B. Pedersen í Safnahúsi Skagfirðinga og verður hún opin á meðan á Sæluviku stendur. Í tilkynningu á vef Héraðsskjalasafns Skagfirðinga segir. „Árið 2018 afhenti Stebbi Ped, eins og hann var ávallt kallaður, ljósmyndasafn sitt til Héraðsskjalasafns Skagfirðinga. Hér er um stórt safn að ræða enda afrakstur ævistarfs Stebba sem stofnaði ljósmyndastofu á Sauðárkróki árið 1958.“Meira -
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira -
„Þau eru ein af ástæðum þess að það er gott að búa í Skagafirði“
feykir.is Skagafjörður, Listir og menning, Mannlíf 28.04.2024 kl. 20.02Við setningu Sæluvikunnar í dag voru afhent Samfélagsverðlaun Skagafjarðar 2024 en verðlaunin eru þakklætisvottur samfélagsins til einstaklinga, fyrirtækja stofnana eða félagasamtaka sem þykja hafa staðið sig vel í eða efla skagfirskt samfélag. Að þessu sinni voru það hjónin Ragnheiður Ásta Jóhannsdóttir og Árni Björn Björnsson, oft kenndur við Hard Wok Café, sem hlutu viðurkenninguna.Meira -
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.