Hátíð gleði og þakkargjörðar
Hin árlega Hólahátíð fór fram dagana 12.-13. ágúst á Hólum í Hjaltadal. Boðið var upp á fjölbreytta menningardagskrá alla helgina og lauk henni með athöfn og hátíðardagskrá í Hóladómkirkju. Að sögn sr. Gísla Gunnarssonar, vígslubiskups á Hólum, var ágætis mæting. „120 manns voru í messukaffinu á sunnudag sem var á milli messu og hátíðardagskrár. Hátt í fjörtíu manns voru í útgáfuhátíð sálmabókanna á laugardag. Tveir gengu upp í Gvendarskál,“ sagði Gísli þegar Feykir leitaði frétta.
Hátíðin hófst með pílagrímsgöngu klukkan tíu á laugardagsmorgni en 28 manns gengu yfir Heljardalsheiði. Gengið var frá Atlastöðum í Svarfaðardal. „Gangan gekk vel en veðrið var ekki upp á það besta, þoka og fremur svalt,“ sagði Gísli. „Sigurður Sigurðsson á Sleitustöðum ferjaði hópinn á fjárvagni yfir Kolbeinsdalsá og ók heim til Hóla. Allir voru ánægðir með gönguna og fóru í sund áður en boðið var til kvöldverðar á Kaffi Hólum.“
Hvað fannst þér athygliverðast á Hólahátíð í þetta skiptið? „Ræða Ásgeirs Jónssonar var mjög góð þar sem hann greindi m.a. frá trúarlegri mótun sinni sem hann fékk fyrst og fremst í samskiptum við afa sinn, Bjarna Jónsson. Skagfirski kammerkórinn var með flotta dagskrá og messan var bæði hátíðleg og falleg eins og hægt verður að hlusta á í útvarpinu næsta sunnudag.“
Hvað er Hólahátíð fyrir þér og hver er tilgangurinn með henni? „Hólahátíð er trúar-og menningarhátíð. Tilgangurinn er að rifja upp stórmerkilega sögu Hólastaðar sem var höfuðstaður Norðurlands um aldir. Ég vil jafnframt að Hólahátíð sé hátíð sem kallar saman fólk úr öllu Hólastifti og um leið héraðshátíð Skagfirðinga. Hátíð gleði og þakkargjörðar.“
Hverjar eru elstu minningar þínar frá Hólahátíð? „Elstu minningar mína eru að fara með foreldrum mínum á Hólahátíð en ekki var spurning í huga föður míns að þar væri skildumæting. Man vel eftir ýmsum sem hugsuðu eins, t.d. Dúdda á Skörðugili,“ segir Gísli að endingu.
Myndirnar sem hér fylgja tók ljósmyndari Feykis áður en hátíðarmessa hófst auk þess sem Feykir fékk lánaðar myndir hjá biskupi og þingmanni; Gísla Gunnarssyni og Bjarna Jónssyni.
Fleiri fréttir
-
Framkvæmdir hafnar við Flúðabakka á Blönduósi
feykir.is Austur-Húnavatnssýsla 06.05.2024 kl. 10.01Framkvæmdir eru hafnar við byggingu sex íbúða raðhúss við Flúðabakka á Blönduósi. Samkvæmt frétt Húnahornsins er stefnt að því að íbúðirnar verði tilbúnar í haust en þær munu hugsaðar fyrir fólk eldra en 60 ára .Meira -
Mette Mannseth var sigurvegari Meistaradeildar KS 2024
feykir.is Skagafjörður, Íþróttir, Hestar 06.05.2024 kl. 08.45Skemmtilegu tímabili Meistaradeildar KS 2024 er nú lokið en síðasta mót tímabilsins fór fram sl. föstudagskvöld þegar keppt var í tölti og flugskeiði. Í einstaklingskeppni Meistaradeildar KS var það Mette Mannseth sem fór með sigur af hólmi en hún hélt forystu allt tímabilið og endaði með 172 stig. Þá var það lið Hrímnis - Hestkletts sem sigraði í liðakeppni Meistaradeildar KS 2024 með 443.5 stig.Meira -
Neytendasamtökin efna til samtals á Kaffi Krók í hádeginu
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2024 kl. 08.30Neytendasamtökin efna til samtals um neytendamál við neytendur og sveitarstjórnir vítt og breitt um landið. Samtökin kynna sér helstu mál sem brenna á fólki á landsbyggðinni og segja frá baráttumálum sínum og þann ávinning sem sterkur hagur neytenda færir fólki, fyrirtækjum og samfélaginu öllu. Í hádeginu í dag heimsækja samtökin Sauðárkrók en fundað verður á Kaffi Krók og hefst fundurinn kl. 12.Meira -
Lukkan í liði Selfyssinga þegar Kormákur/Hvöt laut í gras
feykir.is Austur-Húnavatnssýsla, Íþróttir, Vestur-Húnavatnssýsla 05.05.2024 kl. 18.30Lið Kormáks/Hvatar hóf leik í 2. deild Íslandsmótsins í knattspyrnu í gærdag en þá héldu Húnvetningar á Selfoss þar sem lið Selfoss beið þeirra. Gestirnir voru þéttir til baka og sköpuðu sér vænlegar stöður sem ekki nýttust en lið heimamanna fékk eitt gott færi og nýtti það. Lokatölur því 1-0 og nú krossa Húnvetningar fingur og treysta á að fall sé fararheill.Meira -
Allt frá sumarkaffi í Árskóla til súpermanna á hestbaki í Sæluvikunni
feykir.is Skagafjörður, Ljósmyndavefur, Listir og menning 05.05.2024 kl. 15.28Sæluvikunni lýkur í dag þó svo enn eigi eftir að frumsýna Sæluvikustykki Leikfélags Sauðárkróks af ástæðum sem ættu nú að vera flestum kunnar. Einn stærsti viðburður Sælunnar var í gærkvöldi en þá fór Tekið til kostanna fram í Svaðastaðahöllinni þar sem frábær hross og knapar létu ljós sín skína.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.