Níutíu skagfirskir kylfingar fóru örugglega á kostum í Borgarnesi
Það voru örugglega ekki slegin mörg vindhögg í Borgarnesi um liðna helgi þegar skagfirska sveiflan var tekin til kostanna á Skagfirðingamóti – golfmóti burtfluttra Skagfirðinga, sem þar fór fram á Hamarsvellinum góðal. Níutíu keppendur nutu sín í sól og blíðu en auk þeirra fékk á annan tug innfluttra danskra golfara að taka þátt í þessu eðalmóti.
Að mótinu loknu tók Sólrún Steindórsdóttir, ekkja Gunna bakara, við gjöf frá keppendum síðustu 24 ára í minningu hans. Gunni var einn helsti forsprakki mótsins í áraraðir ásamt Sólrúnu. Gjöfin var mynd af Gunna sem Sjöfn Sigfúsdóttir málaði sem sýnir hann í sínu besta ljósi á golfvellinum – að pútta með einni hendi. Steinull styrkti þessa ágætu gjöf sérstaklega og er henni og öllum öðrum fyrirtækjum og einstaklingum þakkaður góður stuðningur við Skagfirðingamótið.
Sonur Gunna og Sólrúnar, Guðjón Baldur, fór Hamarsvöllinn i fæstum höggum, eða 77, og fékk fyrir það Gunnabikarinn sem fjölskyldan gaf í fyrra. Sigurvegarar í punktakeppni voru Ragnar Már Magnússon i karlaflokki og Hafdís Hrönn Björnsdóttir i kvennaflokki. Ragnar er sonur Magga Sverris og Ástu á sýsluskrifstofunni og Hafdís barnabarn Ívars pósts.
Danirnir sem mættu á mótið voru tólf talsins og þeim fylgdi fararstjóri þeirra og golfkennari, Óli Barðdal. Samkvæmt öruggum heimildum Feykis þá spiluð Danirniar sem gestir en voru leystir út með minjagrip, verðlaunapeningi merktum mótinu og létu mjög vel af sér.
Í kynningu á Facebooks-síðu mótsins segir að árlega komi saman burtfluttir skagfirskir kylfingar á höfuðborgarsvæðinu til að sveifla kylfum og rifja upp gömul kynni. Þeir blandast svo saman við kylfinga að norðan, frá gamla góða GSS (Golfklúbbi Sauðárkróks, nú Golfklúbbi Skagafjarðar) á Skagfirðingamótinu. Það var fyrst haldið á Nesvelli árið 1998 og eftir það m.a. á Urriðavelli, Hvaleyrarvelli og í Bakkakoti. Frá 2008 hefur mótið farið fram á Hamarsvelli í Borgarnesi.
Heimild: BJB
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.