Svipmyndir frá vel heppnaðri Dylanhátíð á Skagaströnd
Bob Dylan er án efa einn merkasti listamaður samtímans. Hann er búinn að vera lengi að. Gefið út plötur í 60 ár og verið skrýddur flestum verðlaunum og enn er í fersku minni þegar hann var of upptekinn að mæta til að taka á móti nóbelsverðlaununum. Árið 2021 náði hann þeim merka áfanga að verða áttræður. Þá stóð til að halda hátíð honum til heiðurs á Skagaströnd en það þurfti að fresta henni þegar enn ein bylgja veirunnar lét á sér kræla.
Það dugði þó ekki til þess að fólk bugaðist heldur var ákveðið að fagna stórafmælinu ári síðar. Hátíðin fór fram 13. – 14. ágúst síðastliðinn undir yfirskriftinni: Eins og veltandi steinn. Þar er vitnað í eitt þekktasta lag Dylan Like a Rolling Stone. Hermann Sæmundsson, skrifstofustjóri stefnumála í forsætisráðuneytinu og Magnús Jónsson, fyrrum sveitastjóri Skagstrendinga fóru fyrir góðum hópi í skipulagi og undirbúningi hátíðarinnar. Fjöldi hljómsveita komu að því að flytja lög Dylans. Líklega hefur verið sett Íslandsmet í flutningi á verkum Nóbelsverðlaunahafans. Á hátíðinni komu m.a. fram Sverrisson Hotel, Dylansérsveitin, Dulúð, Zimmerman, Progress, Magnús Helgason og Dylanbræður, Chris Foster og Bára Grímsdóttir, Slow train og Himnahliðið.
Dylanmafían stóð fyrir sýningu á ýmsum áhugaverðum munum tengdum Dylan. Henning Emil Magnússon fjallaði um Dylan með stuttum innslögum á kvöldvökunni á laugardagskvöldinu. Mest af hátíðinni fór fram í Félagsheimilinu á Skagaströnd en flæddi einnig yfir á veitingastaði staðarins.
Á sunnudeginum var Dylan-messa þar sem tónlist hans voru notuð í athöfninni. Sr. Bryndís Valbjarnardóttir og sr. Henning Emil Magnússon þjónuðu. Mikið af tónlist Dylans fæst við trúarleg viðfangsefni og því auðvelt að finna viðeigandi söngva. Tónlistarfólkið á hátíðinni skiptu á milli sín verkefnum og mörg komu að flutningnum. Það tókst verulega vel til. Stundinni lauk með fjöldasöng á þekktasta lagi Dylans Blowin‘ in the Wind. Eftirspilið var einnig viðeigandi, lagið One More Cup of Coffee. Einn kaffibolli áður en haldið var heim af þessari góðu hátíð. En hápunkturinn var eftir messu. Góðar konur höfðu tekið sig til og bakað bananabrauð eftir uppskift móður Dylans, Beatty Zimmermann. Uppskrift ólík öllum öðrum. Þannig að haldið var heim með blöndu af kaffi og himnesku bananabrauði.
/Henning Emil Magnússon
/Feykir fékk góðfúslegt leyfi til að að birta myndir sem Frosti B. Eiðsson tók á hátíðinn
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.