Lambalæri og hitaeiningabomba
Að þessu sinni eru það Aðalbjörg Valdimarsdóttir og Ragnar Heiðar Sigtryggsson í Bakkakoti í Refasveit sem koma með uppskriftir vikunnar. Fyrst fáum við uppskrift að ljúffengu lambakjöti og endum máltíðina með svaka freistandi hitaeiningabombu.
Aðalréttur:
Lambarlæri
- 1 lambalæri
- Allskonar laukar (rauðlaukur, blaðlaukur, hvítlaukur, perlulaukur og venjulegur laukur)
- Það krydd sem þér þykir gott.
Gott er að taka lærið út úr frysti ca. 5 dögum fyrir notkun og láta það þiðna í ísskáp. Síðustu tvo dagana taka það út, skera niður lauka sem þú vilt nota og setja í plastpoka og síðan lærið þar ofan í. Loka fyrir pokann og setja aftur í kæli, og taka hann svo út nokkru áður en þið ætlið að byrja að elda það. Svo í lokinn taka lærið út pokanum og krydda það með því kryddi sem þér þykir gott til að fá gott bragð á skorpuna.
Eftiréttur:
Hitaeiningabomba
- 1 dós jarðaber (sleppa safanum)
- 1 dós perur (sleppa safanum)
- 3 – 4 bananar
- 200 gr. rjómasúkkulaði
- 4 – 5 kókosbollur
Brytjið banana og perur. Setjið í eldfast mót ásamt jarðaberjunum. Brytjið súkkulaðið og stráið yfir. Síðan eru kókosbollurnar stappaðar og settar ofan á. Bakið í ofni við 200° þangað til kakan verður ljósbrún. Borið fram heitt með þeyttum rjóma eða ís.
Verði ykkur að góðu!
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.